1 Ao ngkai nooria, e a koro bukina bwa aomata ni kabane n te aba a bon ongo taeka aikai ao a bon kakoaua i bukiia. Ao i mwin taeka aikai ao e a bung te aariki n te aba i nanon te maan ae aoa aika a bati;

2 Bwa e rangi ni korakora miimiia aomata n te aro are a katoka aia tangniwenei ma aia tatakarua ibukin buan aia koraki ake a tia n tiringaki; mangaia are e a bung te aariki ni kabuta te aba i nanon te maan ae aoa aika a bati.

3 Ao e koro bukina bwa e a manga roko riki te bwanaa nakoia te botanaomata, ao a bane n ongo aomata, ao a kakoaua ibukina, ni kangai:

4 O ngkami aomatan ^akaawa aika a tia ni bwaka, ake ana kariki Iakobwa, eng, ake kaain te bata are Iteraera, ai iraua au tai n ikoikotingkami n aron te moaaine ngkana e ikoikotiia natina i an baina, ao I a tia n ^btabeakiningkami.

5 Ao riki, ^aai iraua au tai n ikoikotingkami n aron te moaaine ae ikoikotiia natina i aani baina, eng, O ngkami aomata aika kaain te bata are Iteraera, ake a tia ni mate; eng, O ngkami aomata aika kaain te bata are Iteraera, ngkami aika a maeka i Ierutarem, n aroia naba ake a tia ni mate; eng, ai iraua au tai n ikoikotingkami n aron te moaaine ngkana e ikoikotiia natina, ao kam rawa.

6 O ngkami kaain te bata are Iteraera are I a tia ni ^akamaiungkami, ai iraua au tai n ikoikotingkami n aron te moaaine ngkana e ikoikotiia natina i aan baina, ngkana kam rairinanomi man ^bokirai ma ^cnanomi ni koaua.

7 Ma ngkana kam aki, O te bata are Iteraera, ao nnemi ni maeka a na riki bwa taabo ni kamaroa ni karokoa te tai are a na kakoroaki iai bukin ^aberita aika tabu nakoia ami bakatibu.

8 Ao ngkai e a koro bukina bwa ngke a tia aomata n ongo taeka aikai, nooria, a waaki n tang ma n tatakarua riki ibukin buaia aia koraki ma raoraoia.

9 Ao e koro bukina bwa e a koro tenibong. Ao n te ingabong ao e bua te ^aroo maiaon te aba, ao e toki rurubenebenen te aba, ao a toki raeuakin taian bwa, ao e toki te kaberoro ae kakamaku, ao taian karongoa aika a bati a bon toki naba.

10 Ao e a manga ikotaki te aba, ao e aki kakamwakuri; ao te tang ni wenei, ao te tang, ao tangiia n tatakarua aomata ake a kawakinaki maiuia e toki ao nanokawakia e bitaki nakon te kimwareirei, ao aia bwaebwaeti nakon neboneboan ma te kakaitau nakon aia Uea ae Iesu Kristo ae aia Tia Kabomwi.

11 Ao ikai are e a ^akakoroaki iai bukin koroboki aika tabu ake a taekinaki irouia burabeti.

12 Ao naake a kamaiuaki bon naake a raoiroi ^ariki, ao bon ngaia ake a butimwaia burabeti ma n aki karebanaia n te atibu; ao bon ngaia ake a bon aki kawawaai raraaia aomata aika itiaki, ake a kamaiuaki—

13 Ao a bon kamaiuaki ma n aki kainakoaki ma n taunaki n te tano; ao a aki kabwabwaaki i kabin taari; ao a aki kabuekaki n te ai, ao aki kabwakaki naba ma n taobekaki bwa a na mate; ao a bon aki uotaki nako n te ukeukenanti; ao a bon aki taonaki nako naba ni buanen te bubu ma te roo.

14 Ao ngkai, ane e wareware, ao ke e oota; ane iai koroboki aika tabu irouna, ao ke e ^aukeuke, ao taraia ma nooria bwa taian mate ao urubwai n te ai, ao te bubu, ao angibuaka, ma ukeukenanti, ao ^bukin te tano are a ribunako iai, ao bwaai aikai ni kabane tiaki bwa a kakoroaki iai bukin aia taeka ni burabeti burabeti aika a tabu aika a mwaiti.

15 Nooria, I taku nakoimi, Eng, a mwaiti aika a tia ni kakoaua ibukin bwaai aikai n rokon Kristo, ao a ^atiringaki ibukina bwa a kakoaua ibukin bwaai aikai.

16 Eng, te burabeti are ^aTinoti e bon kakoaua naba ibukin bwaai aikai, ao Tinoki naba e taetae ni kaineti ma bwaai aikai, ibukina bwa a bon kakoaua ni kaineti ma taekara, ake nikiraia kanoaia.

17 Nooria, tamara are Iakobwa e bon taetae naba ni kakoaua i bukiia ^anikiraia kanoan Iotebwa. Ao nooria, tiaki bwa ngaira nikiran kanoan Iotebwa? Ao bwaai aika a kakoaua i bukira aikai, tiaki bwa a koreaki iaon bwaatua aika buraati ake e uoti ara bakatibu are Riaai mai i Ierutarem?

18 Ao e a koro bukina bwa ni banen te katenibwi ma aua n ririki, nooria, N na kaotia nakoimi bwa ana botanaomata Nibwaai ake a kamaiuaki, ao naake a aranaki naba bwa Reimwanaite, ake a bon tia ni kamaiuaki, a bon nanonaki ma ni kaotaki bwaai aika a mwaiti nakoia, ao a bwaro kakabwaia aika a mwaiti iaon atuuia, n te aro are i mwin ^arieraken Kristo nako karawa ao e bon kaoti nakoia—

19 E ^akaota rabwatana nakoia, ma n ibuobuoki nakoia; ao rongorongon ana mwakuri e na bon kaotaki i mwina. Ngaia are n te tai aei ao I a katoka au taetae ni kawai.