ບົດທີ 26
ພຣະຄຣິດຈະປະຕິບັດສາດສະໜາກິດແກ່ຊາວນີໄຟ—ນີໄຟເຫັນລ່ວງໜ້າເຖິງຄວາມພິນາດຂອງຜູ້ຄົນຂອງເພິ່ນ—ພວກເຂົາຈະເວົ້າອອກຈາກພື້ນດິນ—ຄົນຕ່າງຊາດຈະສ້າງສາດສະໜາຈັກທີ່ບໍ່ຖືກຕ້ອງ ແລະ ການມົ້ວສຸມລັບຂຶ້ນ—ພຣະຜູ້ເປັນເຈົ້າຫ້າມບໍ່ໃຫ້ຜູ້ຄົນທຳການຫລອກລວງຂອງປະໂລຫິດ. ປະມານ 559–545 ປີ ກ່ອນ ຄ.ສ.
1 ແລະ ຫລັງຈາກພຣະຄຣິດໄດ້ ກລຸກຂຶ້ນຈາກຄວາມຕາຍແລ້ວ ພຣະອົງຈະ ຂສະແດງຕົວຂອງພຣະອົງເອງແກ່ພວກທ່ານ, ລູກຫລານຂອງຂ້າພະເຈົ້າ ແລະ ພີ່ນ້ອງທີ່ຮັກແພງຂອງຂ້າພະເຈົ້າ; ແລະ ພຣະຄຳຊຶ່ງພຣະອົງຈະຮັບສັ່ງກັບພວກທ່ານຈະເປັນ ຄກົດທີ່ພວກທ່ານຈະຕ້ອງປະຕິບັດ.
2 ເພາະຈົ່ງເບິ່ງ, ຂ້າພະເຈົ້າຂໍເວົ້າກັບພວກທ່ານວ່າ ຂ້າພະເຈົ້າເຫັນວ່າຄົນຫລາຍລຸ້ນຄົນຈະຜ່ານໄປ ແລະ ຈະມີສົງຄາມໃຫຍ່ ແລະ ການຂັດແຍ້ງໃນບັນດາຜູ້ຄົນຂອງຂ້າພະເຈົ້າ.
3 ແລະ ຫລັງຈາກພຣະເມຊີອາຈະສະເດັດມາ ຈະມີ ກເຄື່ອງໝາຍໄວ້ໃຫ້ກັບຜູ້ຄົນຂອງຂ້າພະເຈົ້າກ່ຽວກັບການ ຂກຳເນີດຂອງພຣະອົງ, ແລະ ກ່ຽວກັບການສິ້ນພຣະຊົນ ແລະ ການຟື້ນຄືນພຣະຊົນຂອງພຣະອົງອີກ, ແລະ ມື້ນັ້ນຈະຍິ່ງໃຫຍ່ ແລະ ເປັນຕາຢ້ານສຳລັບຄົນຊົ່ວ, ເພາະພວກເຂົາຈະຕາຍ ແລະ ພວກເຂົາຈະຕາຍເພາະພວກເຂົາຂັບໄລ່ສາດສະດາ ແລະ ໄພ່ພົນຂອງພຣະເຈົ້າອອກ ແລະ ແກວ່ງກ້ອນຫີນໃສ່ເຂົາເຈົ້າ ແລະ ເຂັ່ນຂ້າເຂົາເຈົ້າ; ດັ່ງນັ້ນ ຄເລືອດຂອງໄພ່ພົນຂອງພຣະເຈົ້າຈະຮ້ອງຂຶ້ນຈາກພື້ນດິນໄປເຖິງພຣະເຈົ້າເພື່ອຟ້ອງພວກເຂົາ.
4 ດັ່ງນັ້ນ, ຄົນທັງໝົດທີ່ອວດດີ ແລະ ເຮັດຄວາມຊົ່ວຮ້າຍ, ວັນເວລາຈະມາເຖິງ ທີ່ຈະ ກເຜົາຜານພວກເຂົາໝົດ, ຈອມໂຍທາໄດ້ກ່າວໄວ້, ເພາະພວກເຂົາຈະເປັນຄືກັນກັບເຟືອງເຂົ້າ.
5 ແລະ ຄົນທີ່ຂ້າສາດສະດາ ແລະ ໄພ່ພົນຂອງພຣະເຈົ້າ, ຄວາມເລິກຂອງແຜ່ນດິນໂລກຈະ ກກືນກິນພວກເຂົາໃຫ້ໝົດ, ຈອມໂຍທາໄດ້ກ່າວໄວ້; ແລະ ຂພູເຂົາຈະທັບພວກເຂົາ, ລົມບ້າໝູຈະພັດພວກເຂົາໄປ, ແລະ ອາຄານຈະເພພັງລົງມາທັບພວກເຂົາ, ແລະ ບົດພວກເຂົາໃຫ້ເປັນຕ່ອນ ແລະ ບົດພວກເຂົາໃຫ້ລະອຽດ.
6 ແລະ ພວກເຂົາຈະຖືກຢ້ຽມຢາມດ້ວຍຟ້າຮ້ອງ, ດ້ວຍຟ້າແມບ, ແລະ ດ້ວຍແຜ່ນດິນໄຫວ, ແລະ ດ້ວຍຄວາມພິນາດທຸກຢ່າງ, ເພາະໄຟແຫ່ງພຣະພິໂລດຂອງພຣະຜູ້ເປັນເຈົ້າຈະເກີດກັບພວກເຂົາ, ແລະ ພວກເຂົາຈະເປັນຄືກັນກັບເຟືອງເຂົ້າ, ແລະ ວັນທີ່ມາເຖິງຈະກືນກິນພວກເຂົາ, ຈອມໂຍທາໄດ້ກ່າວ.
7 ໂອ້ ຄວາມເຈັບປວດ ແລະ ຄວາມປວດລ້າວຂອງຈິດວິນຍານຂອງຂ້າພະເຈົ້າ ເພາະການສູນເສຍຜູ້ຖືກຂ້າຕາຍ ຊຶ່ງເປັນຄົນຂອງຂ້າພະເຈົ້າ! ເພາະວ່າຂ້າພະເຈົ້ານີໄຟເຫັນມັນແລ້ວ, ແລະ ມັນແທບຈະກິນຂ້າພະເຈົ້າຕໍ່ໜ້າທີ່ປະທັບຂອງພຣະຜູ້ເປັນເຈົ້າ; ແຕ່ຂ້າພະເຈົ້າຕ້ອງຮ້ອງທູນພຣະເຈົ້າຂອງຂ້າພະເຈົ້າວ່າ: ເສັ້ນທາງຂອງພຣະອົງ ກທ່ຽງທຳ.
8 ແຕ່ຈົ່ງເບິ່ງ, ຄົນຊອບທຳທີ່ເຊື່ອຟັງຄຳເວົ້າຂອງສາດສະດາ, ແລະ ບໍ່ທຳລາຍເພິ່ນແຕ່ມຸ້ງຫາພຣະຄຣິດ ດ້ວຍຄວາມໝັ້ນຄົງເພື່ອເຄື່ອງໝາຍທີ່ປະທານໄວ້ທັງທີ່ມີ ກການຂົ່ມເຫັງທຸກຢ່າງ—ຈົ່ງເບິ່ງ, ພວກເຂົາຄືຄົນທີ່ຈະ ຂບໍ່ຕາຍ.
9 ແຕ່ພຣະບຸດແຫ່ງຄວາມຊອບທຳຈະ ກປະກົດແກ່ພວກເຂົາ; ແລະ ພຣະອົງຈະ ຂປິ່ນປົວພວກເຂົາໃຫ້ຫາຍດີ, ແລະ ພວກເຂົາຈະມີ ຄສັນຕິສຸກກັບພຣະອົງຈົນວ່າ ງສາມລຸ້ນຄົນຜ່ານໄປ, ແລະ ຄົນຢ່າງຫລວງຫລາຍຂອງລຸ້ນ ຈທີສີ່ຈະຜ່ານໄປໃນຄວາມຊອບທຳ.
10 ແລະ ເມື່ອສິ່ງເຫລົ່ານີ້ຜ່ານໄປແລ້ວ ກຄວາມພິນາດອັນວ່ອງໄວຈະມາຫາຜູ້ຄົນຂອງຂ້າພະເຈົ້າ; ເພາະທັງທີ່ຈິດວິນຍານຂອງຂ້າພະເຈົ້າເຈັບປວດ, ຂ້າພະເຈົ້າກໍຍັງເຫັນມັນ; ດັ່ງນັ້ນ, ຂ້າພະເຈົ້າຈຶ່ງຮູ້ວ່າ ມັນຈະເກີດຂຶ້ນ; ແລະ ພວກເຂົາຂາຍຕົວເອງໄປລ້າໆເພື່ອລາງວັນຂອງຄວາມຈອງຫອງຂອງພວກເຂົາ ແລະ ຄວາມໂງ່ຂອງພວກເຂົາ, ພວກເຂົາຈະເກັບກ່ຽວຄວາມພິນາດ; ເພາະພວກເຂົາຍອມຕົວໃຫ້ກັບມານ ແລະ ເລືອກເອົາວຽກງານແຫ່ງຄວາມມືດແທນຄວາມສະຫວ່າງ, ສະນັ້ນ ພວກເຂົາຈຶ່ງຕ້ອງລົງໄປສູ່ ຂນະລົກ.
11 ເພາະພຣະວິນຍານຂອງພຣະຜູ້ເປັນເຈົ້າຈະບໍ່ ກພະຍາຍາມກັບມະນຸດສະເໝີໄປ. ແລະ ເວລາພຣະວິນຍານເຊົາພະຍາຍາມກັບມະນຸດ ເມື່ອນັ້ນຄວາມພິນາດອັນວ່ອງໄວຍ່ອມມາເຖິງ, ແລະ ນີ້ເຮັດໃຫ້ຈິດວິນຍານຂອງຂ້າພະເຈົ້າໂສກເສົ້າ.
12 ແລະ ຄືກັນກັບຂ້າພະເຈົ້າໄດ້ເວົ້າແລ້ວກ່ຽວກັບການເຮັດໃຫ້ ກຊາວຢິວ ຂຮັບຮູ້ວ່າ ພຣະເຢຊູຄື ຄພຣະຄຣິດອົງແທ້ຈິງ, ມັນຈຶ່ງຈຳເປັນທີ່ຄົນຕ່າງຊາດຕ້ອງຮັບຮູ້ຄືກັນວ່າ ພຣະເຢຊູຄືພຣະຄຣິດພຣະເຈົ້າຜູ້ສະຖິດນິລັນດອນ;
13 ແລະ ວ່າພຣະອົງຈະສະແດງພຣະອົງເອງໃຫ້ປະຈັກແກ່ຄົນທັງໝົດທີ່ເຊື່ອໃນພຣະອົງໂດຍອຳນາດຂອງ ກພຣະວິນຍານບໍລິສຸດ; ແທ້ຈິງແລ້ວ, ແກ່ທຸກປະຊາຊາດ, ທຸກຕະກຸນ, ທຸກພາສາ, ແລະ ທຸກຜູ້ຄົນທັງປວງໂດຍການເຮັດສິ່ງມະຫັດສະຈັນ, ເຄື່ອງໝາຍ, ແລະ ການແປກປະຫລາດອັນຍິ່ງໃຫຍ່ໃນບັນດາລູກຫລານມະນຸດຕາມສັດທາແຂອງພວກເຂົາ.
14 ແຕ່ຈົ່ງເບິ່ງ, ຂ້າພະເຈົ້າທຳນາຍຕໍ່ພວກທ່ານກ່ຽວກັບ ກຍຸກສຸດທ້າຍກ່ຽວກັບວັນທີ່ອົງພຣະຜູ້ເປັນເຈົ້າຈະ ຂນຳສິ່ງເຫລົ່ານີ້ອອກມາໃຫ້ລູກຫລານມະນຸດ.
15 ແລະ ຫລັງຈາກນີ້ລູກຫລານຂອງຂ້າພະເຈົ້າ ແລະ ລູກຫລານຂອງອ້າຍນ້ອງຂອງຂ້າພະເຈົ້າຈະເສື່ອມໂຊມຢູ່ໃນຄວາມບໍ່ເຊື່ອຖື, ແລະ ຈະຖືກຄົນຕ່າງຊາດລົງທັນ; ແທ້ຈິງແລ້ວ, ຫລັງຈາກອົງພຣະຜູ້ເປັນເຈົ້າຈະຕັ້ງຄ້າຍໂດຍອ້ອມຮອບເພື່ອຕໍ່ຕ້ານພວກເຂົາ ແລະ ຈະອ້ອມຮອບພວກເຂົາດ້ວຍພູ ແລະ ສ້າງປ້ອມຕໍ່ຕ້ານພວກເຂົາ, ແລະ ຫລັງຈາກພວກເຂົາຈະຖືກເອົາລົງໄປຢູ່ໃນພື້ນດິນຈົນວ່າ ພວກເຂົາຢູ່ບໍ່ໄດ້, ເຖິງຢ່າງໃດກໍຕາມ ຄຳເວົ້າຂອງຄົນຊອບທຳຈະຖືກບັນທຶກໄວ້ ແລະ ຄຳອະທິຖານຂອງຄົນທີ່ຊື່ສັດຈະຖືກໄດ້ຍິນ, ແລະ ຄົນທັງຫລາຍທີ່ເສື່ອມໂຊມຢູ່ໃນຄວາມບໍ່ເຊື່ອຖື ຈະບໍ່ຖືກລືມ.
16 ເພາະຄົນທີ່ຈະຖືກທຳລາຍຈະ ກເວົ້າກັບພວກເຂົາຈາກພື້ນດິນ, ແລະ ຄຳເວົ້າຂອງຄົນເຫລົ່ານັ້ນຈະຄ່ອຍດັງຂຶ້ນມາຈາກຂີ້ຝຸ່ນ, ແລະ ສຽງຂອງພວກເຂົາຈະເປັນຄືກັບຄົນທີ່ມີວິນຍານອັນຄຸ້ນເຄີຍ; ເພາະອົງພຣະຜູ້ເປັນເຈົ້າຈະປະທານອຳນາດໃຫ້ເຂົາເພື່ອເຂົາຈະໄດ້ສື່ມໃສ່ຫູກ່ຽວກັບພວກເຂົາ ຄືກັບວ່າ ມັນຂຶ້ນມາຈາກພື້ນດິນ; ແລະ ຄຳເວົ້າຂອງຄົນເຫລົ່ານັ້ນຈະສື່ມຈາກຂີ້ຝຸ່ນ.
17 ເພາະອົງພຣະຜູ້ເປັນເຈົ້າໄດ້ກ່າວດັ່ງນີ້: ພວກເຂົາຈະ ກບັນທຶກເລື່ອງທີ່ຈະຖືກເຮັດຂຶ້ນໃນບັນດາພວກເຂົາ ແລະ ມັນຈະຖືກບັນທຶກ ແລະ ຜະນຶກໄວ້ໃນໜັງສືເຫລັ້ມໜຶ່ງ, ແລະ ຄົນທີ່ເສື່ອມໂຊມຢູ່ໃນຄວາມບໍ່ເຊື່ອຖື ຈະບໍ່ໄດ້ມັນ, ເພາະພວກເຂົາ ຂພະຍາຍາມທຳລາຍສິ່ງຂອງຂອງພຣະເຈົ້າ.
18 ດັ່ງນັ້ນ, ຄືກັນກັບຄົນທີ່ຖືກທຳລາຍຍ່ອມຖືກທຳລາຍຢ່າງວ່ອງໄວ ແລະ ຝູງຊົນທີ່ເປັນຕາໜ້າຢ້ານຂອງພວກເຂົາ ຈະເປັນຄືກັນກັບ ກຂີ້ແກບທີ່ໝົດໄປ—ແທ້ຈິງແລ້ວ, ອົງພຣະຜູ້ເປັນເຈົ້າໄດ້ກ່າວດັ່ງນີ້: ມັນຈະໄປໃນທັນໃດຢ່າງວ່ອງໄວ—
19 ແລະ ເຫດການຈະບັງເກີດຂຶ້ນຄື, ຄົນທີ່ເສື່ອມໂຊມຢູ່ໃນຄວາມບໍ່ເຊື່ອຖື ຈະຖືກມືຂອງຄົນຕ່າງຊາດ ກລົງທັນ.
20 ແລະ ຄົນຕ່າງຊາດເປັ່ງສຽງດ້ວຍ ກຄວາມທະນົງຕົວໃນສາຍຕາຂອງພວກເຂົາ, ແລະ ຂເຕະສະດຸດ ເພາະຄວາມຍິ່ງໃຫຍ່ຂອງສິ່ງທີ່ເຮັດໃຫ້ພວກເຂົາເຕະ ຄສະດຸດ, ຄືພວກເຂົາສ້າງ ງສາດສະໜາຈັກຂຶ້ນຢ່າງຫລວງຫລາຍ; ເຖິງຢ່າງໃດກໍຕາມ, ພວກເຂົາຍັງບໍ່ຫົວຊາຕໍ່ອຳນາດ ແລະ ສິ່ງມະຫັດສະຈັນຂອງພຣະເຈົ້າ, ແລະ ສິດສອນເຖິງ ຈປັນຍາຂອງຕົນເອງ, ເພື່ອພວກເຂົາຈະຫາຜົນປະໂຫຍດ ແລະ ບົດຢ່ຳຢີ ສໜ້າຂອງຄົນຍາກຈົນ.
21 ແລະ ມີສາດສະໜາຈັກອັນຫລວງຫລາຍຖືກສ້າງຂຶ້ນ ຊຶ່ງເຮັດໃຫ້ເກີດ ກການອິດສາບັງບຽດ, ການຜິດຖຽງກັນ ແລະ ເຈດຕະນາຮ້າຍ.
22 ແລະ ມີ ກການມົ້ວສຸມລັບອີກ, ເຖິງແມ່ນຄືກັນກັບໃນສະໄໝບູຮານຕາມການມົ້ວສຸມຂອງມານ ເພາະມັນເປັນຜູ້ສ້າງສິ່ງທັງໝົດນີ້; ແທ້ຈິງແລ້ວ, ເປັນຜູ້ສ້າງການຄາດຕະກຳ ແລະ ວຽກງານແຫ່ງຄວາມມືດ; ແທ້ຈິງແລ້ວ, ແລະ ມັນຈະລາກຄໍພວກນັ້ນໄປດ້ວຍເຊືອກປ່ານຈົນວ່າຜູກພວກນັ້ນໄວ້ດ້ວຍເຊືອກອັນໝັ້ນຂອງມັນຕະຫລອດໄປ.
23 ເພາະຈົ່ງເບິ່ງ, ພີ່ນ້ອງທີ່ຮັກແພງຂອງຂ້າພະເຈົ້າ, ຂ້າພະເຈົ້າຂໍເວົ້າກັບພວກທ່ານວ່າ ອົງພຣະຜູ້ເປັນເຈົ້າຈະບໍ່ທຳງານໃນຄວາມມືດ.
24 ພຣະອົງຍ່ອມຈະບໍ່ກະທຳສິ່ງໃດນອກຈາກມັນຈະເປັນຜົນປະໂຫຍດແກ່ໂລກ; ເພາະພຣະອົງ ກຮັກໂລກຈົນຍອມສະລະຊີວິດຂອງພຣະອົງ ເພື່ອຈະໄດ້ພາມະນຸດ ຂທັງປວງມາຫາພຣະອົງ. ດັ່ງນັ້ນ, ພຣະອົງຈຶ່ງບໍ່ບັນຊາຜູ້ໃດວ່າ ພວກເຂົາຈະບໍ່ໄດ້ຮັບສ່ວນຄວາມລອດຈາກພຣະອົງ.
25 ຈົ່ງເບິ່ງ, ພຣະອົງໄດ້ຮ້ອງບອກຜູ້ໃດບໍວ່າ: ຈົ່ງໄປຈາກເຮົາ? ຈົ່ງເບິ່ງ, ຂ້າພະເຈົ້າເວົ້າກັບພວກທ່ານວ່າ ບໍ່ເລີຍ; ແຕ່ພຣະອົງກ່າວວ່າ: ເຈົ້າທັງຫລາຍທີ່ສຸດຂອງແຜ່ນດິນໂລກຈົ່ງ ກມາຫາເຮົາເຖີດ, ຈົ່ງ ຂຊື້ນົມ ແລະ ນ້ຳເຜິ້ງໂດຍປາດສະຈາກເງິນ ແລະ ປາດສະຈາກລາຄາ.
26 ຈົ່ງເບິ່ງ, ພຣະອົງບັນຊາໃຫ້ຜູ້ໃດບໍວ່າ ພວກເຂົາຄວນອອກຈາກທຳມະສາລາ ຫລື ອອກຈາກສະຖານທີ່ນະມັດສະການ? ຈົ່ງເບິ່ງ, ຂ້າພະເຈົ້າເວົ້າກັບພວກທ່ານວ່າ, ບໍ່ເລີຍ.
27 ພຣະອົງໄດ້ບັນຊາໃຫ້ຜູ້ໃດບໍວ່າ ພວກເຂົາບໍ່ຄວນຮັບສ່ວນ ກຄວາມລອດຈາກພຣະອົງ? ຈົ່ງເບິ່ງ ຂ້າພະເຈົ້າເວົ້າກັບພວກທ່ານວ່າ, ບໍ່ເລີຍ; ແຕ່ພຣະອົງ ຂປະທານໃຫ້ມະນຸດທັງປວງລ້າໆ; ແລະ ພຣະອົງບັນຊາຜູ້ຄົນຂອງພຣະອົງວ່າ ພວກເຂົາຄວນຊັກຊວນມະນຸດທັງປວງໃຫ້ມາເຖິງ ຄການກັບໃຈ.
28 ຈົ່ງເບິ່ງ, ພຣະຜູ້ເປັນເຈົ້າໄດ້ບັນຊາຜູ້ໃດບໍວ່າ ພວກເຂົາບໍ່ຄວນຮັບສ່ວນພຣະກະລຸນາທິຄຸນຂອງພຣະອົງ? ຈົ່ງເບິ່ງ ຂ້າພະເຈົ້າເວົ້າກັບພວກທ່ານວ່າ, ບໍ່ເລີຍ; ແຕ່ມະນຸດ ກທັງປວງມີສິດເທົ່າທຽມກັນ ແລະ ບໍ່ມີໃຜຖືກຫ້າມ.
29 ພຣະອົງໄດ້ບັນຊາວ່າ ຈະບໍ່ມີ ກການຫລອກລວງຂອງປະໂລຫິດ, ເພາະຈົ່ງເບິ່ງ, ການຫລອກລວງຂອງປະໂລຫິດຄື ມະນຸດສັ່ງສອນ ແລະ ຕັ້ງຕົນເອງຂຶ້ນເປັນແສງສະຫວ່າງໃຫ້ໂລກ ເພື່ອພວກເຂົາຈະໄດ້ຫາຜົນປະໂຫຍດ ແລະ ຂສັນລະເສີນຂອງທາງໂລກ; ແຕ່ພວກເຂົາບໍ່ໄດ້ພະຍາຍາມເພື່ອຄວາມຜາສຸກຂອງຊີໂອນ.
30 ຈົ່ງເບິ່ງ, ພຣະຜູ້ເປັນເຈົ້າຫ້າມສິ່ງນີ້; ດັ່ງນັ້ນ, ອົງພຣະຜູ້ເປັນເຈົ້າຈຶ່ງປະທານພຣະບັນຍັດໄວ້ຂໍ້ໜຶ່ງວ່າ ມະນຸດທັງປວງຄວນມີ ກຄວາມໃຈບຸນ ຊຶ່ງຄວາມໃຈບຸນຄື ຂຄວາມຮັກ. ແລະ ຖ້າຫາກພວກເຂົາບໍ່ມີຄວາມໃຈບຸນ ພວກເຂົາກໍບໍ່ເປັນອັນໃດເລີຍ. ດັ່ງນັ້ນ, ຖ້າຫາກພວກເຂົາມີຄວາມໃຈບຸນ ພວກເຂົາຈະບໍ່ຍອມໃຫ້ຄົນງານໃນຊີໂອນຕາຍ.
31 ແຕ່ຄົນງານໃນ ກຊີໂອນຈະເຮັດການເພື່ອຊີໂອນ; ເພາະຖ້າຫາກພວກເຂົາເຮັດການເພື່ອ ຂເງິນ ພວກເຂົາຈະຕ້ອງຕາຍ.
32 ແລະ ອີກຢ່າງໜຶ່ງ, ອົງພຣະຜູ້ເປັນເຈົ້າໄດ້ ກບັນຊາວ່າ ມະນຸດຈະບໍ່ເຮັດການຄາດຕະກຳ; ວ່າພວກເຂົາຈະບໍ່ຕົວະ; ວ່າພວກເຂົາຈະບໍ່ລັກ; ວ່າພວກເຂົາຈະບໍ່ກ່າວພຣະນາມຂອງພຣະຜູ້ເປັນເຈົ້າອົງເປັນພຣະເຈົ້າຂອງພວກເຂົາ ຂໄປໃນທາງທີ່ຜິດ; ວ່າພວກເຂົາຈະບໍ່ອິດສາ; ວ່າພວກເຂົາຈະບໍ່ມີເຈດຕະນາຮ້າຍ; ວ່າພວກເຂົາຈະບໍ່ມີການຂັດແຍ້ງກັນ; ວ່າພວກເຂົາຈະບໍ່ທຳການໂສເພນີ; ແລະ ວ່າພວກເຂົາຈະບໍ່ເຮັດສິ່ງເຫລົ່ານີ້ເລີຍ; ເພາະວ່າຜູ້ໃດທີ່ເຮັດຈະຕ້ອງຕາຍ.
33 ເພາະວ່າຄວາມອະທຳເຫລົ່ານີ້ບໍ່ໄດ້ມາຈາກພຣະຜູ້ເປັນເຈົ້າເລີຍ; ເພາະພຣະອົງກະທຳແຕ່ສິ່ງທີ່ດີໃນບັນດາລູກຫລານມະນຸດ; ແລະ ພຣະອົງບໍ່ກະທຳສິ່ງໃດເລີຍນອກຈາກມັນຈະແຈ່ມແຈ້ງຕໍ່ລູກຫລານມະນຸດ; ແລະ ພຣະອົງຈະເຊື້ອເຊີນເຂົາທັງໝົດໃຫ້ເຂົ້າມາຫາພຣະອົງ; ແລະ ຮັບສ່ວນພຣະກະລຸນາທິຄຸນຂອງພຣະອົງ; ແລະ ພຣະອົງບໍ່ ກປະຕິເສດຜູ້ໃດທີ່ມາຫາພຣະອົງເລີຍ, ບໍ່ວ່າດຳ ແລະ ຂາວ, ຂ້າທາດ ແລະ ຜູ້ເປັນອິດສະລະ, ຊາຍ ແລະ ຍິງ; ແລະ ພຣະອົງລະນຶກເຖິງ ຂຄົນທີ່ບໍ່ມີສາດສະໜານຳອີກ; ແລະ ຄທຸກຄົນເທົ່າທຽມກັນໝົດສຳລັບພຣະເຈົ້າ, ທັງຊາວຢິວ ແລະ ຄົນຕ່າງຊາດ.