ບົດທີ 6
ຢາໂຄບເລົ່າປະຫວັດສາດຂອງຊາວຢິວ: ການເປັນຊະເລີຍໃນບາບີໂລນ ແລະ ການກັບຄືນ; ການປະຕິບັດສາດສະໜາກິດ ແລະ ການຄຶງໄວ້ເທິງໄມ້ກາງແຂນຂອງພຣະຜູ້ບໍລິສຸດແຫ່ງອິດສະຣາເອນ; ຄວາມຊ່ວຍເຫລືອທີ່ໄດ້ຮັບຈາກຄົນຕ່າງຊາດ; ການຟື້ນຟູໃນຍຸກສຸດທ້າຍຂອງຊາວຢິວເມື່ອພວກເຂົາເຊື່ອຖືໃນພຣະເມຊີອາ. ປະມານ 559–545 ປີ ກ່ອນ ຄ.ສ.
1 ຄຳເວົ້າຂອງຢາໂຄບ, ນ້ອງຊາຍຂອງນີໄຟ, ຊຶ່ງໄດ້ເວົ້າກັບຜູ້ຄົນຂອງນີໄຟວ່າ:
2 ຈົ່ງເບິ່ງ, ພີ່ນ້ອງທີ່ຮັກແພງຂອງຂ້າພະເຈົ້າ, ຂ້າພະເຈົ້າຢາໂຄບໂດຍທີ່ໄດ້ຖືກເອີ້ນຈາກພຣະເຈົ້າ, ແລະ ໄດ້ຖືກແຕ່ງຕັ້ງຕາມວິທີແຫ່ງຖານະອັນສັກສິດຂອງພຣະອົງ, ແລະ ຖືກແຕ່ງຕັ້ງໂດຍນີໄຟອ້າຍຂອງຂ້າພະເຈົ້າ, ຜູ້ທີ່ທ່ານນັບຖືເປັນ ກກະສັດ ຫລື ຜູ້ຄຸ້ມຄອງ ແລະ ຜູ້ທີ່ທ່ານເພິ່ງພາເພື່ອຄວາມປອດໄພ, ຈົ່ງເບິ່ງ ທ່ານຮູ້ວ່າຂ້າພະເຈົ້າກ່າວກັບທ່ານມາຫລາຍຕໍ່ຫລາຍເລື່ອງແລ້ວ.
3 ເຖິງຢ່າງໃດກໍຕາມ, ຂ້າພະເຈົ້າຂໍເວົ້າກັບທ່ານອີກ; ເພາະຂ້າພະເຈົ້າປາດຖະໜາເພື່ອຄວາມຜາສຸກຂອງຈິດວິນຍານຂອງທ່ານ. ແທ້ຈິງແລ້ວ, ແມ່ນຄວາມຫ່ວງໃຍຂອງຂ້າພະເຈົ້າທີ່ມີຕໍ່ທ່ານນັ້ນໃຫຍ່ຫລວງ; ແລະ ທ່ານເອງກໍຮູ້ຈັກແລ້ວວ່າມັນເປັນຢູ່ຕະຫລອດມາ. ເພາະຂ້າພະເຈົ້າໄດ້ແນະນຳທ່ານດ້ວຍສຸດຄວາມພາກພຽນ; ແລະ ຂ້າພະເຈົ້າສິດສອນຕາມຄຳເວົ້າຂອງບິດາຂອງຂ້າພະເຈົ້າ; ແລະ ຂ້າພະເຈົ້າຂໍເວົ້າກັບທ່ານກ່ຽວກັບທຸກຢ່າງທີ່ໄດ້ບັນທຶກໄວ້ນັບຕັ້ງແຕ່ການສ້າງໂລກມາ.
4 ແລະ ບັດນີ້, ຈົ່ງເບິ່ງຂ້າພະເຈົ້າຈະເວົ້າກັບທ່ານກ່ຽວກັບເລື່ອງທີ່ເປັນຢູ່ ແລະ ເລື່ອງທີ່ຈະມາເຖິງ; ດັ່ງນັ້ນ, ຂ້າພະເຈົ້າຈະອ່ານຄຳເວົ້າຂອງ ກເອຊາຢາຕໍ່ທ່ານ. ແລະ ເປັນຄຳເວົ້າທີ່ອ້າຍຂອງຂ້າພະເຈົ້າປາດຖະໜາຢາກໃຫ້ຂ້າພະເຈົ້າເວົ້າກັບທ່ານ. ແລະ ຂ້າພະເຈົ້າຂໍເວົ້າກັບທ່ານເພາະເຫັນແກ່ຜົນປະໂຫຍດຂອງທ່ານ, ເພື່ອທ່ານຈະໄດ້ຮຽນຮູ້ ແລະ ຖວາຍບາລະມີແດ່ພຣະນາມຂອງພຣະເຈົ້າຂອງທ່ານ.
5 ແລະ ບັດນີ້, ຄຳເວົ້າທີ່ຂ້າພະເຈົ້າຈະອ່ານເປັນຄຳເວົ້າຂອງເອຊາຢາກ່ຽວກັບເຊື້ອສາຍອິດສະຣາເອນທັງໝົດ; ດັ່ງນັ້ນ, ມັນຈະປຽບທຽບໄດ້ກັບທ່ານ, ເພາະທ່ານເປັນເຊື້ອສາຍອິດສະຣາເອນ. ແລະ ມີຫລາຍຢ່າງທີ່ເອຊາຢາໄດ້ເວົ້າໄວ້ ຊຶ່ງຈະປຽບທຽບໄດ້ກັບທ່ານ ເພາະທ່ານເປັນເຊື້ອສາຍອິດສະຣາເອນ.
6 ແລະ ບັດນີ້, ນີ້ຄືຂໍ້ຄວາມ: ອົງພຣະຜູ້ເປັນເຈົ້າໄດ້ກ່າວ ກດັ່ງນີ້: ຈົ່ງເບິ່ງ, ເຮົາຈະຍົກມືກວັກຄົນຕ່າງຊາດ ແລະ ຍົກ ຂສັນຍານຂອງເຮົາຕໍ່ຜູ້ຄົນ; ແລະ ເຂົາຈະອູ້ມລູກຊາຍຂອງເຈົ້າມາໃນອ້ອມແຂນຂອງເຂົາ, ແລະ ສ່ວນລູກສາວຂອງເຈົ້ານັ້ນ ເຂົາຈະໃສ່ບ່າແບກມາ.
7 ແລະ ກະສັດຈະເປັນພໍ່ລ້ຽງຂອງເຈົ້າ, ແລະ ລາຊີນີທັງຫລາຍຈະເປັນແມ່ລ້ຽງຂອງເຈົ້າ; ເຂົາເຫລົ່ານັ້ນຈະກົ້ມໜ້າລົງເຖິງດິນກາບເຈົ້າ, ແລະ ເຂົາຈະເລຍຂີ້ຝຸ່ນທີ່ຕີນຂອງເຈົ້າ; ແລ້ວເຈົ້າຈະຮູ້ວ່າ ເຮົາຄືພຣະຜູ້ເປັນເຈົ້າ ຜູ້ທີ່ ກລໍຄອຍເຮົາຈະບໍ່ປະສົບຄວາມອັບອາຍ.
8 ແລະ ບັດນີ້, ຂ້າພະເຈົ້າຢາໂຄບຈະເວົ້າບາງຢ່າງກ່ຽວກັບຂໍ້ຄວາມນີ້. ເພາະຈົ່ງເບິ່ງ, ພຣະຜູ້ເປັນເຈົ້າໄດ້ສະແດງກັບຂ້າພະເຈົ້າວ່າຄົນທີ່ຢູ່ໃນ ກເຢຣູຊາເລັມຊຶ່ງພວກເຮົາໜີຈາກມານັ້ນໄດ້ຖືກຂ້າຕາຍ ແລະ ຖືກ ຂຈັບໄປເປັນຊະເລີຍແລ້ວ.
9 ເຖິງຢ່າງໃດກໍຕາມ, ພຣະຜູ້ເປັນເຈົ້າໄດ້ສະແດງຕໍ່ຂ້າພະເຈົ້າວ່າ ພວກເຂົາຈະ ກກັບຄືນມາອີກ. ແລະ ພຣະອົງຈະສະແດງພຣະອົງເອງໃຫ້ປະຈັກແກ່ຂ້າພະເຈົ້າອີກວ່າ ອົງພຣະຜູ້ເປັນເຈົ້າພຣະຜູ້ບໍລິສຸດຂອງອິດສະຣາເອນຈະສະແດງພຣະອົງເອງໃຫ້ປະຈັກແກ່ພວກເຂົາໃນເນື້ອໜັງ; ແລະ ຫລັງຈາກພຣະອົງໄດ້ສະແດງພຣະອົງເອງໃຫ້ປະຈັກແລ້ວ ພວກເຂົາຈະຂ້ຽນຕີພຣະອົງແລ້ວ ຂຄຶງພຣະອົງໄວ້ເທິງໄມ້ກາງແຂນຕາມຄຳເວົ້າຂອງທູດ ຊຶ່ງໄດ້ກ່າວເລື່ອງນີ້ກັບຂ້າພະເຈົ້າ.
10 ແລະ ຫລັງຈາກພວກເຂົາເຮັດໃຈແຂງກະດ້າງ ແລະ ແຂງຄໍຕໍ່ພຣະຜູ້ບໍລິສຸດຂອງອິດສະຣາເອນແລ້ວ, ຈົ່ງເບິ່ງ, ກການພິພາກສາຂອງພຣະຜູ້ບໍລິສຸດຂອງອິດສະຣາເອນຈະເກີດກັບພວກເຂົາ. ແລະ ວັນນັ້ນຈະມາເຖິງ ຊຶ່ງພວກເຂົາຈະຖືກລົງທັນ ແລະ ເປັນທຸກ.
11 ດັ່ງນັ້ນ, ຫລັງຈາກພວກເຂົາຖືກຂັບໄລ່ໄປມາເພາະທູດໄດ້ກ່າວໄວ້ດັ່ງນັ້ນ, ຄົນຈຳນວນຫລວງຫລາຍຈະເປັນທຸກໃນເນື້ອໜັງ ແລະ ຈະບໍ່ໃຫ້ເຖິງຕາຍເພາະຄຳອະທິຖານຂອງຜູ້ມີສັດທາ; ພວກເຂົາຈະກະຈັດກະຈາຍໄປ ແລະ ຖືກລົງທັນ; ເຖິງຢ່າງໃດກໍຕາມ, ພຣະຜູ້ເປັນເຈົ້າຍັງຈະເມດຕາພວກເຂົາ, ເພາະ ກເວລາທີ່ພວກເຂົາຈະ ຂມາຮູ້ກ່ຽວກັບພຣະຜູ້ໄຖ່ຂອງພວກເຂົາ, ພວກເຂົາຈະມາ ຄເຕົ້າໂຮມກັນອີກໃນແຜ່ນດິນຊຶ່ງເປັນມູນມໍລະດົກຂອງພວກເຂົາ.
12 ແລະ ກຄົນຕ່າງຊາດຜູ້ທີ່ສາດສະດາໄດ້ບັນທຶກເລື່ອງຂອງພວກເຂົາຍ່ອມເປັນສຸກ; ແລະ ຈົ່ງເບິ່ງ, ຖ້າຫາກເປັນໄປວ່າພວກເຂົາຈະກັບໃຈ ແລະ ບໍ່ຕໍ່ສູ້ກັບຊີໂອນ ແລະ ບໍ່ເຂົ້າຮ່ວມກັບສາດສະໜາຈັກໃຫຍ່ ແລະ ຂໜ້າກຽດຊັງນັ້ນພວກເຂົາຈະລອດ; ເພາະອົງພຣະຜູ້ເປັນເຈົ້າຈະເຮັດໃຫ້ ຄພັນທະສັນຍາຂອງພຣະອົງທີ່ກະທຳໄວ້ກັບລູກຫລານຂອງພຣະອົງສຳເລັດ ແລະ ເພື່ອເຫດນີ້ສາດສະດາຈຶ່ງໄດ້ບັນທຶກເລື່ອງເຫລົ່ານີ້ໄວ້.
13 ດັ່ງນັ້ນ, ພວກທີ່ຕໍ່ສູ້ກັບຊີໂອນ ແລະ ຜູ້ຄົນແຫ່ງພັນທະສັນຍາຂອງພຣະຜູ້ເປັນເຈົ້າ ຈະເລຍຂີ້ຝຸ່ນຈາກຕີນຂອງພວກເຂົາ ແລະ ຜູ້ຄົນຂອງພຣະຜູ້ເປັນເຈົ້າຈະບໍ່ ກໜ້າອາຍ. ເພາະຜູ້ຄົນຂອງພຣະຜູ້ເປັນເຈົ້າຄື ຜູ້ທີ່ ຂຄອຍຖ້າພຣະອົງ ເພາະພວກເຂົາຍັງຄອຍຖ້າການສະເດັດມາຂອງພຣະເມຊີອາ.
14 ແລະ ຈົ່ງເບິ່ງ, ຕາມຄຳເວົ້າຂອງສາດສະດາ, ພຣະເມຊີອາຈະແຕ່ງຕັ້ງພຣະອົງເອງເປັນຄັ້ງ ກທີສອງ ເພື່ອນຳພາພວກເຂົາກັບຄືນ; ດັ່ງນັ້ນ, ພຣະອົງຈະສະແດງພຣະອົງເອງ ຂໃຫ້ປະຈັກແກ່ພວກເຂົາດ້ວຍອຳນາດ ແລະ ລັດສະໝີພາບອັນຍິ່ງໃຫຍ່ຈົນເຖິງ ຄຄວາມພິນາດຂອງສັດຕູຂອງພວກເຂົາ; ເມື່ອມື້ນັ້ນມາເຖິງເວລາທີ່ພວກເຂົາຈະເຊື່ອຖືໃນພຣະອົງ; ແລະ ພຣະອົງຈະບໍ່ທຳລາຍຜູ້ໃດທີ່ເຊື່ອຖືໃນພຣະອົງ.
15 ແລະ ພວກທີ່ບໍ່ເຊື່ອໃນພຣະອົງຈະຖືກ ກທຳລາຍດ້ວຍ ຂໄຟ, ແລະ ດ້ວຍພະຍຸຝົນຟ້າຄະນອງ, ແລະ ດ້ວຍແຜ່ນດິນໄຫວ, ແລະ ດ້ວຍການນອງເລືອດ ແລະ ດ້ວຍ ຄພະຍາດໂລຄາ, ແລະ ດ້ວຍຄວາມອຶດຢາກ. ແລະ ພວກເຂົາຈະຮູ້ວ່າ ພຣະອົງຄືພຣະເຈົ້າ, ພຣະຜູ້ບໍລິສຸດຂອງອິດສະຣາເອນ.
16 ກເພາະຈະເອົາເຫຍື່ອໄປຈາກຜູ້ທີ່ມີກຳລັງ ຫລື ຈະຊ່ວຍ ຂຊະເລີຍຂອງຜູ້ຊະນະໃຫ້ພົ້ນໄດ້ບໍ?
17 ແຕ່ພຣະຜູ້ເປັນເຈົ້າໄດ້ກ່າວດັ່ງນີ້: ເຖິງແມ່ນ ກຊະເລີຍຂອງຄົນທີ່ຍິ່ງໃຫຍ່ກໍຈະຖືກເອົາໄປ, ແລະ ເຫຍື່ອຂອງຄົນທີ່ຫ້ຽມໂຫດກໍຈະຖືກຊ່ວຍໃຫ້ພົ້ນ; ເພາະ ຂພຣະເຈົ້າຜູ້ມີລິດເດດຈະ ຄປົດປ່ອຍຜູ້ຄົນແຫ່ງພັນທະສັນຍາຜູ້ເປັນຂອງພຣະອົງ. ເພາະພຣະຜູ້ເປັນເຈົ້າໄດ້ກ່າວດັ່ງນີ້: ເຮົາຈະຕໍ່ສູ້ກັບຜູ້ທີ່ຕໍ່ສູ້ເຈົ້າ—
18 ແລະ ເຮົາຈະໃຫ້ຜູ້ບີບບັງຄັບເຈົ້າກິນເນື້ອຂອງຕົນເອງ; ແລະ ເຂົາຈະເມົາເລືອດຂອງເຂົາເອງເໝືອນເມົາເຫລົ້າອະງຸ່ນ; ແລະ ມະນຸດທັງປວງຈະຮູ້ວ່າ ເຮົາພຣະເຈົ້າຄືພຣະຜູ້ຊ່ວຍໃຫ້ລອດຂອງເຈົ້າ ແລະ ກພຣະຜູ້ໄຖ່ຂອງເຈົ້າ, ແລະ ຂພຣະຜູ້ມີລິດທານຸພາບຂອງຢາໂຄບ.