1 Sese, idahaemi edikem ke ɔyɔhɔ isua ukara ata ye usukkiet mme ebiere ikpe nnɔ mbon mme Nephite, ete ke Nephi, eyen erenowo Helaman, oto ke isɔŋ ke edem edere edere ɔnyɔŋ edi isɔŋ Zarahemla.

2 Koro enye ama ɔwɔrɔ aka okodu ye mme owo ke isɔŋ ke edem edere edere, ndien ama ɔkwɔrɔ ikɔ Abasi ɔnɔ mmɔ, ndien ama etiŋ ediwak ŋkpɔ nte prophet ɔnɔ mmɔ;

3 Ndien mmɔ ema esin kpukpru mme ikɔ esie, tutu ete enye ikemeke ndi idu ye mmɔ, edi afiak ɔnyɔŋ aka isɔŋ emana esie.

4 Ndien ke ini enye okokutde mme owo ke utɔ idaha idiɔk ibak oro, ye mme inɔ Gadianton oro nte etiede ke mme itie ubiere ikpe—emi eke ekande ubɔk, ebɔ odudu ye unen isɔŋ oro; ke emi eke esinde mme ibet Abasi, ndien indomo kiet ifonke ke iso esie; inamke se innende inɔ nditɔ owo;

5 Etip ndinen owoi kpe ke ntak nnen nnen ido mmɔ; eyak mbon eduede ye mme idiɔk owo ebɔhɔ ufen ke ntak okuk mmɔ; ndien ke akande oro man edu ke itie utom nte ada ibuot ukara, ndikara nyuŋ nnam nte mme uduak mmɔ edide, man mmɔ enyene udori ye ubɔŋ ererimbot, ndien, ke akande oro, man mmɔ etim ekeme esin efibe, enyuŋ eyip inɔ, enyuŋ ewot owo, enyuŋ enam ŋkpɔ nte mme uduak mmɔ edide—

6 Idaha emi akamba ukwaŋ-ŋkpɔ emi eke esim mme Nephite ke ufaŋ isua emi mikiwakke; ndien ke ini Nephi okokutde emi, esit esie ama ɔyɔhɔ ye mfuhɔ; ndien enye ama eseme ke ndutuhɔ ukpɔŋ esie ete:

7 Oh, ete ke ekpedi ke ami nke nyene mme usen mi ke mme usen emi ete mi Nephi eke ebemde iso ɔwɔrɔ edi ke isɔŋ Jerusalem, ete ke ami mkpe eke daresit ye enye ke isɔŋ eŋwɔŋɔ; ke ini oro ke ikɔt esie eke esi ekop item, esɔŋɔ ke ndinim mme ibet Abasi, ndien ukwaŋ-ŋkpɔ ikisɔpke ida mmɔ usuŋ; ndien mmɔ ema esɔp ndikpaŋ utɔŋ nnɔ mme ikɔ Jehovah—

8 Iŋ, ekpedi mme usen mi ekedi ke mme usen oro, ke ini oro ke ukpɔŋ mi ekpe eke daresit ke nnen nnen ido nditɔ eka mi.

9 Edi sese, enim mi ke mme usen mi emi, ndien ete ke ukpɔŋ mi ɔyɔyɔhɔ ye mfuhɔ ke ntak mme ibak nditɔ eka mi emi.

10 Ndien sese, idahaemi edikem ete ke oko doro ke enyɔŋ tower, emi okodude ke iŋwaŋ Nephi, emi okodude ke mben usuŋ emi esaŋade eka akamba urua, emi okodude ke obio Zarahemla; ke ntak oro, Nephi ama ɔtɔŋɔ erɔŋ esie ke enyɔŋ tower emi okodude ke iŋwaŋ esie, tower emi nko ama ekpere inua-otop iŋwaŋ emi usuŋ ekebede.

11 Ndien edikem ete ke mme owo ema edu emi ekebede ndien ekut nte Nephi aŋwaŋade esit esie ɔnɔ Abasi ke enyɔŋ tower; ndien mmɔ ema efehe enyuŋ ekedɔhɔ mme owo se mmɔ ekekutde, ndien mme owo ema ediana kiet esaŋa edi ke otu man mmɔ efiɔk ntak utɔ akamba mfuhɔ oro ke ntak ibak mme owo.

12 Ndien idahaemi, ke ini Nephi aka adahade ada enye okut otu owo emi eke ebohode kiet.

13 Ndien edikem ete enye ɔkubɔde inua esie onyuŋ ɔdɔhɔ mmɔ ete: Esese, nsidi ntak emi mbufo ebohode idem mbufo ɔtɔ kiet? Man ami ntiŋ mme ukwaŋ-ŋkpɔ mbufo nnɔ mbufo?

14 Iŋ, koro ami mɔdɔk ndoro ke tower mi man ami ŋwaŋa esit mi nnɔ Abasi mi, ke ntak ɔkpɔsɔŋ mfuhɔ ke esit mi, emi edide ke ntak mme ukwaŋ-ŋkpɔ mbufo!

15 Ndien ke ntak mfuhɔ ye eseme mi mbufo eme esobo idem mbufo ɔtɔ kiet, enyuŋ edu ke mkpaidem; iŋ, ndien mbufo eme enyene akamba ntak ndidu ke mkpaidem; iŋ, akpana nte mbufo edu ke mkpaidem koro eyak mbufo enɔ, ndien satan enyene ata akamba itie ke esit mbufo.

16 Iŋ, mbufo ekenam didie eyak idem enɔ ŋkari enye emi oyomde ndimen ukpɔŋ mbufo mfep nsuhɔde nduk ke nsinsi ukut ye anana utit idiɔk?

17 O ekabade esit, ekabade esit! Nsisi ntak emi mbufo edikpade? Eŋwɔŋɔde, eŋwɔŋɔde etiene Jehovah Abasi mbufo. Nsidi ntak emi enye ɔkpɔŋde mbufo?

18 Edi ke ntak emi mbufo esɔŋde esit mbufo; iŋ, mbufo ikpaŋke utɔŋ inɔ uyo eti ekpeme-erɔŋ; iŋ, mbufo eme enam enye ayaresit ye mbufo.

19 Ndien esese, utu ke ebok mbufo, ibɔhɔke mbufo eye ekabade esit, esese, enye eye asuan mbufo aka iso man mbufo ekabade edi udia enɔ mme ebua ye mme unam ikɔt.

20 O, didie ke mbufo eke efre Abasi mbufo ke ata usen emi enye anamde mbufo ebɔhɔ?

21 Edi esese, edi ndinyene udori, man mme owo etoro mbufo, iŋ, ndien man mbufo enyene gold ye silver. Ndien mbufo emesin esit mbufo ke mme inyene ye mme ikpikpu ŋkpɔ ererimbot emi, ke ntak oro mbufo ewot owo, enyuŋ edia ŋwo, enyuŋ eyip inɔ, enyuŋ etie ntiense nsu ebaŋa mbɔhiduŋ mbufo, enyuŋ enam kpukpru utɔ ukwaŋ-ŋkpɔ.

22 Ndien ke ntak emi eyedɔdiɔk ɔnɔ mbufo ibɔhɔke mbufo eyekabade esit. Koro edieke mbufo mikabakede esit, esese, akwa obio emi, ŋko ye ofuri ikpɔ obio oro emi ekanarede ekuk, emi edude ke isɔŋ inyene nnyin, eye etaŋ mmɔ efep man mbufo ekunyene ebiet ke mmɔ; koro esese, Jehovah idinɔhɔ mbufo odudu, nte enye ekesi namde, man ekeme eŋwana ye mme usua mbufo.

23 Koro esese, ntem ke Jehovah ɔdɔhɔ: Ami ndiwutke mme idiɔk owo odudu mi, enɔ kiet ekan eken, ibɔhɔke edi mbon emi ekabade esit ke mme idiɔk ŋkpɔ mmɔ, ndien ekpaŋ utɔŋ enɔ mme ikɔ mi. Idahaemi ke ntak oro, ami moyom nte yak mbufo esese, nditɔ eka mi, ete ke ɔyɔfɔn ye mme Lamanite akan mbufo ibɔhɔke mbufo ekabade esit.

24 Koro esese, mmɔ edi ndinnen ekan mbufo, koro mmɔ inamke idiɔk ŋkpɔ ye akamba ifiɔk oro emi mbufo ebɔde; ke ntak oro Jehovah eye enyene mbɔm abaŋa mmɔ; iŋ, enye ayanam usen mmɔ ebihi onyuŋ anam ubon mmɔ ɔtɔt, kpa ke ini emi edisobode mbufo ofuri ofuri ibɔhɔke mbufo eye ekabade esit.

25 Iŋ, ɔyɔdɔdiɔk ɔnɔ mbufo ke ntak akwa mbubiam emi odude ke ufɔt mbufo; ndien mbufo emedian idem mbufo ye enye, iŋ, ye ndedibe otu oro emi Gadianton akasiakde!

26 Iŋ, eyedɔdiɔk ɔnɔ mbufo ke ntak ntaŋidem oro emi mbufo eyakde ete oduk esit mbufo, emi emenerede mbufo ke enyɔŋ akan se ifɔnde ke ntak ata ediwak inyene mbufo!

27 Iŋ, eyedɔdiɔk ɔnɔ mbufo ke ntak ibak ye mme mbubiam mbufo!

28 Ndien ibɔhɔke mbufo eyekabade esit, mbufo eye etak; iŋ, eye ebɔ mbufo kpa mme isɔŋ mbufo, ndien eye esobo mbufo esio ke iso isɔŋ.

29 Esese idahaami, ndɔhɔke ke idem mi nte ke mme ŋkpɔ emi eye etibe, koro idighe ke idem mi ke ami mfiɔk mme ŋkpɔ emi; edi esese, ami mɔfiɔk ke mme ŋkpɔ emi edi akpanikɔ koro Jehovah Abasi anam mi mfiɔk, ke ntak oro ami metie ntiense nte ke mmɔ eye etibe.