“Setaleki, Mēsake, mo ʻApitenikō,” Ngaahi Talanoa ʻo e Fuakava Motuʻá (2022)
“Setaleki, Mēsake, mo ʻApitenikō,” Ngaahi Talanoa ʻo e Fuakava Motuʻá
Taniela 1; 3
Setaleki, Mēsake mo ʻApitenikō
Ko ha ʻahiʻahi fakatu‘utāmaki ‘o e tuí
Naʻe langa ʻe he tuʻi ko Nepukanesá ha fuʻu tā tongitongi koula, lahi ʻaupito, pea fakamālohi‘i hono kakaí ke nau lotu ki ai. Kapau naʻe ʻikai te nau fakahoko ia, naʻe tuku kinautolu ki ha tafuʻanga afi kakaha.
Naʻe ʻofa ʻa e ngaahi kaungāme‘a ʻo Taniela ko Setaleki, Mēsake, mo ‘Apitenikoó ki he ‘Otuá pea naʻe ‘ikai ke nau fie lotu ki he ʻotua loi ‘a e tuʻí. Na‘e houhau kiate kinautolu ‘a e tuʻí.
Na‘e tala ange ʻe he ngaahi kaungāme‘a ʻe toko tolú ki he tu‘í te nau lotu pē ki he ‘Otuá. Na‘a nau tui ʻe lava ʻe he ʻOtuá ʻo malu‘i kinautolu. Ka ‘oku tatau ai pē kapau naʻe ‘ikai ke ne fakamoʻui ‘a kinautolu, te nau kei taukaveʻi pē ‘a e meʻa naʻa nau tui ki aí.
Na‘e houhau lahi ʻa e tuʻí kia Setaleki, Mēsake, mo ‘Apitenikō. Na‘á ne tuku ke lī kinautolu ki he loto tafuʻanga ‘o e afi kakahá. Ka ‘i he taimi naʻe vakai atu ai ‘a e tuʻí ki he loto afi kakahá, na‘á ne ʻohovale he sio ki ha tokotaha fakalangi ‘i he afí fakataha mo e kau tangata ʻe toko tolú. Naʻe ʻikai ke nau vela ʻi he afí.
Na‘e ui atu ʻa e tu‘í kia Setaleki, Mēsake, mo ʻApitenikō, pea na‘a nau hū mai ki tuʻa mei he afi kakahá. Naʻe ʻikai ke nau vela ʻi he afí pe naʻe vela honau ngaahi valá.
Naʻe talangofua ʻa Setaleki, Mēsake, mo ‘Apitenikō ki he ngaahi fekau ʻa e ‘Otuá, naʻa mo e taimi na‘e ʻi ha tu‘unga fakatuʻutāmaki ai ‘enau moʻuí. Na‘e tokoni ʻenau tā sīpingá ke tui ʻa e tuʻí ki he ‘Otuá.