“Ko e Kakai ʻIsilelí ʻi he Toafá,” Ngaahi Talanoa ʻo e Fuakava Motuʻá (2022)
“Ko e Kakai ʻIsilelí ʻi he Toafá,” Ngaahi Talanoa ʻo e Fuakava Motuʻá
Ko e Kakai ʻIsilelí ʻi he Toafá
Ko e ako ke falala ki he ʻEikí
Hili pē ha taimi nounou mei he mavahe ʻa e kau ʻIsilelí mei ʻIsipité, ne nau lāunga naʻe ʻikai feʻunga ʻenau meʻakaí. Naʻa nau pehē ʻe lelei ange ke nau hoko ko ha kau pōpula ʻi ʻIsipite ʻi haʻanau fiekaia ʻi he feituʻu maomaonganoá.
Ke akoʻi e kakai ʻIsilelí ke falala ki he ʻEikí, naʻá Ne tuku hifo ha mā mei he langí ke nau tānaki ʻi he ʻaho kotoa pē. Naʻa nau ui ʻa e maá ko e mana. Naʻe ifo ia ʻo hangē ha honé. Naʻe ʻikai ʻomi ʻe he ʻEikí ʻa e maná ʻi he ʻaho Sāpaté, ko e ʻaho hono fitu ʻo e uiké. Ko ia ʻi he ʻaho hono onó, naʻá Ne folofola ange ke nau tānaki ha mana feʻunga ki ha ʻaho ʻe ua.
Naʻe tuku atu foki ʻe he ʻEikí ʻi ha kiʻi taimi siʻi ʻa e fanga kueilí ke kai ʻe he kakai ʻIsilelí. ʻI he pongipongí ne nau tānaki e maná, pea ʻi he efiafí ne nau puke e fanga kueilí. Naʻe finangalo e ʻEikí ke ako e kau ʻIsilelí ke falala kiate Ia. Naʻá Ne tokangaʻi kinautolu ʻi he founga ko ʻení ʻi he feituʻu maomaonganoá.