Mau ’ā’amu o te pāpa’ira’a mo’a
Te mau vahi e ti‘a ia ite

Te mau vahi e ti‘a ia ite

(Te mau numera i roto i te paruru e mau numera ïa no te mau pene e faati‘a ra i te mau ohipa tei tupu i teie mau vahi.)

Hoho‘a fenua 1: Te Fenua Mo‘a i te Anotau o te Faufaa Apî

  1. Damaseko Te haere atu ra Paulo i teie oire ra i fâ mai ai Iesu ia’na e ua parau maira ia’na ia tatarahapa. (59)

  2. Kaisarea Philipi I ô nei to Iesu faaite-papû-raa i To’na pohe e To’na ti‘a-faahou-raa, e ua faaite papû o Petero e, e Tamaiti Iesu na te Atua. (32)

  3. Galilea E taime rahi to Iesu haapiiraa i te evanelia e te faaoraraa i tei ma‘ihia i teie tuhaa fenua. (19–20, 34, 36)

  4. Kauperenaumi Ua faatupu Iesu e rave rahi semeio i roto i teie oire. (23–25, 30)

  5. Te Roto no Galilea Ua haapii Iesu i te evanelia i te mau taata e rave rahi na teie mau vahi. Ua tamaru Iesu i te vero e ua haere na ni‘a i te pape i te Roto no Galilea. (18, 21, 29)

  6. Kana I ô nei to Iesu tauiraa i te pape ei uaina i roto i te hoê oro‘a faaipoiporaa. Ua haere mai te hoê taata i teie vahi e ani ia Iesu ia faaora i ta’na tamaiti ma‘i. (12, 16)

  7. Nazareta Ua paari Iesu i roto i teie oire. (2, 4, 9, 17)

  8. Samaria Ua haapii Iesu i te hoê vahine i te parau no te pape ora i te apoo pape i roto i teie fenua. Te rahiraa o te mau Ati Iuda e au ore i to Samaria. (15, 58)

  9. Te Anavai no Ioridana I roto i teie anavai i bapetizo ai Ioane Bapetizo ia Iesu Mesia. (10)

  10. Iopa Ua faaora faahou o Petero ia Tabita i ô nei. (60)

  11. Ieriko I roto i te parabole no te taata Samaria maitai, te hoê taata tei fatata i te pohe a ratere ai oia na ni‘a i te e‘a e tae atu ai i teie oire. (35)

  12. Ierusalema E taime rahi to Iesu e Ta’na mau Aposetolo haapiiraa i roto i teie oire. I ô nei to Iesu poheraa e ua ti‘afaahou mai. (6, 39–40, 44–57, 63) A hi‘o te Hoho‘a fenua E 2 atu â aamu tei tupu i Ierusalema.

  13. Betania O Lazaro ta Iesu i faati‘afaahou mai te pohe mai, tei ô nei to’na oraraa e to’na na tuahine o Maria e o Mareta. (43)

  14. Betelehema Ua fanauhia Iesu Mesia i ô nei. (5, 7)

Hōho’a
map 1

Te Miti Mediteranea

Te Miti Pohe

Damaseko

Kaisarea Philipi

GALILEA

Kauperenaumi

Te Roto no Galilea

Kana

Nazareta

SAMARIA

Te Anavai no Ioridana

Iopa

Ieriko

Ierusalema

Betania

Betelehema

Hoho‘a fenua 2: Ierusalema i te anotau o Iesu

  1. Golagota E riro e, teie te vahi i pohe ai Iesu Mesia i ni‘a i te satauro. (53)

  2. Te menema o te Ô E riro e, i ô nei te huna-raa-hia o Iesu Mesia, ua ti‘afaahou, e ua paraparau ia Maria Magedalena. (53, 54)

  3. Te hopuraa pape o Beteseda I ô nei to Iesu faaoraraa i te hoê taata i te mahana sabati. (27)

  4. Te hiero I ô nei to te melahi Gaberiela fafauraa ia Zekaria e, e roaa ta’na tamaiti, oia o Ioane Bapetizo. I teie hiero to Iesu haapiiraa. Ua tiahi atoa oia i te taata i rapae i te hiero te hoo ana‘e ra i te animala no te tusia. (1, 6, 9, 11, 13, 45, 56)

  5. Te Ô no Getesemane Ua pure o Iesu Mesia, ua mauiui no ta tatou mau hara, ua hoohia e Iuda Isakariota, e ua haruhia i roto i teie ô. (51, 52)

  6. Te Mou‘a o Oliveta Ua haapii Iesu no ni‘a i To’na tae-piti-raa mai i onei. (46)

  7. Te fare o Kaiapha E riro e, teie te vahi i reira te feia mana Ati Iuda i tamata ai ia Iesu, ma te pari e ua ofati Oia i te ture. (52)

  8. Te piha i ni‘a E riro e teie te piha i reira Iesu e Ta’na mau aposetolo i amu ai i te maa no te Pasa. Ua haapii Iesu i Ta’na mau Aposetolo i te parau o te oro‘a mo‘a na mua noa a‘e i To’na haereraa i te Ô no Getesemane. (49, 50)

Hōho’a
map 2

Golagota

Te menema o te Ô

Te hopuraa pape o Beteseda

Te hiero

Te Ô no Getesemane

Te Mou‘a o Oliveta

Te fare o Kaiapha

Te piha i ni‘a