Te mau hoho‘a o te Fenua Mo‘a
(Te mau numera i roto i te paruru, o te numera ïa o te mau pene o te mau aamu tei tupu i te vahi e faaitehia ra e te hoho‘a e aore râ, i fatata mai.)
Betelehema Ua fanauhia Iesu Mesia i roto i teie oire. (5, 7)
Te hiero Teie te hoê hoho‘a o te hiero i Ierusalema i reira Iesu i haapii ai i te evanelia e i tiahi ai i rapae te mau taata e hoo ra i te animala no te tusia. (1, 6, 9, 11, 13, 45, 56)
Te mau taahiraa e tae atu ai i te hiero Teie te mau taahiraa i teie nei e tae atu ai i te hiero.
Nazareta Ua paari Iesu i roto i teie oire. (2, 4, 9, 17)
Ierusalema E taime rahi to Iesu e Ta’na mau Aposetolo haapiiraa i roto i teie oire. Ua pohe e ua ti‘afaahou Iesu i teie vahi. (6, 39–40, 44–57, 63)
Anavai no Ioridana Ua bapetizo o Ioane Bapetizo ia Iesu Mesia i te hoê vahi i roto i teie anavai. (10)
Te medebara o Iudea Ua haapae Iesu Mesia i te maa e ua faahemahia e te diabolo i roto i te medebara i muri a‘e i To’na bapetizo-raa-hia. (11)
Samaria Ua haapii Iesu i te hoê vahine i te parau no te pape ora i te apoo pape i roto i teie fenua. Te rahiraa o te Ati Iuda aita ratou e au i te taata no Samaria. (15, 58)
Galilea e te Roto no Galilea E rave rahi taata te ti‘aturi nei e, i teie hiti mou‘a Iesu i horo‘a ai i te A‘oraa i ni‘a i te Mou‘a. Tei muri te Roto no Galilea. Ua haapii Iesu i te evanelia i te mau taata e rave rahi, e tae noa’tu i Ta’na mau aposetolo, tapiri mai i teie vahi. Ua tamaru Iesu i te hoê vero i ni‘a i te Roto no Galilea. (18–22, 29, 34, 36)
Kaperena Teie mau vahi parari o te oire ia o Kaperena. Ua rave Iesu e rave rahi semeio i roto i teie oire. (23–25, 30)
Kaisarea Philipi I roto i teie vahi Iesu i faaite papû ai i To’na poheraa e To’na Ti‘a-faahou-raa, e ua faaite papû Petero e, o Iesu te Tamaiti a te Atua. (32)
Ieriko I roto i te parabole o te taata Samaria maitai, ua taparahihia te hoê taata ratere fatata noa i te purumu o teie oire. (35)
Te Mou‘a Tabora E riro e teie te vahi i tupu ai te faahuru‘eraa o Iesu Mesia. (33)
Te Ô no Getesemane Ua pure Iesu Mesia, ua mauiui no ta tatou mau hara, ua hoohia e Iuda Isakariota, e ua haruhia i roto i teie ô. (51, 52)
Golagota E riro e teie te vahi i pohe ai Iesu Mesia i ni‘a i te satauro. (53)
Te Menema o te Ô E riro e i teie vahi Iesu Mesia i hunahia ai, i ti‘afaahou ai, e i paraparau ai ia Maria Magedalena. (53, 54)