Pene 60

Ua faaora faahou mai o Petero ia Tabita

Te hoê vahine maitai o Tabita to’na i‘oa te ora ra i te oire no Iopa. E pĭpĭ oia na Iesu Mesia. Ua tauturu oia i te taata e rave rahi e ua rave i te mau ohipa maitai e rave rahi.

Te Ohipa 9:36

Ua roohia oia i te ma‘i e ua pohe.

Te Ohipa 9:37

Ua tono to’na mau hoa e tii ia Petero. Ia tae atu ra oia i reira ra, ua ani atu ra oia i te mau hoa o Tabita ia haere i rapae i te piha.

Te Ohipa 9:38–40

Ua tuturi o Petero i raro e ua pure, e ua parau atu ra ia Tabita ia ti‘a i ni‘a. Ua araara a‘e ra oia i to’na mata e ua parahi maira.

Te Ohipa 9:40

Ua tauturu a‘e ra o Petero ia’na ia ti‘a i ni‘a. Ua pii atu ra oia i to’na mau hoa. Ua haere maira ratou e ua ite a‘e ra e, ua ora oia. Ua faaohipa o Petero i te mana o te autahu‘araa no te faaora faahou mai ia Tabita. E rave rahi taata i Iopa tei ti‘aturi ia Iesu Mesia i to ratou iteraa e, ua ora faahou mai o Tabita.

Te Ohipa 9:41–42