Pene 47
Na paretenia hoê ahuru
E mori hinu ta teie na vahine hoê ahuru ra. E pae vahine paari. Ua hopoi mai ratou i te hinu hau.
E pae vahine maamaa. Tei roto ana‘e ta ratou hinu i ta ratou mau lamepa.
Ua maoro te taeraa mai o te tane faaipoipo. Ua pau a‘e ra te hinu i roto i te mau lamepa. E hinu ta te mau vahine paari e toe ra no te tuu i roto i ta ratou lamepa. Area ra te mau vahine maamaa e pae, e titauhia ïa ia ratou ia haere e hoo mai i te tahi atu hinu na ratou.
Tei te haereraa’tu ratou, tae maira te tane faaipoipo. Ua faatomo atu ra oia i na vahine paari toopae i roto i te faaipoiporaa.
Ia ho‘i mai na vahine maamaa toopae ra, ua piri te opani. Aita a‘e ra i ti‘a ia ratou ia tomo i roto i te faaipoiporaa.
E au Iesu mai te tane faaipoipo i roto i teie aamu. E au te mau melo o te Ekalesia mai na vahine tooahuru ra. Ia ho‘i faahou mai o Iesu ra, ua ineine te tahi mau melo. Ua haapa‘o ratou i te mau faaueraa a te Atua. Aita te tahi pae e ineine. Eita e ti‘a ia ratou ia parahi i piha‘iho i te Faaora ia ho‘i faahou mai Oia.
Mataio 25:13; Te Parau Haapiiraa e Te Mau Parau Fafau 45:56–57; 88:86, 92; Iesu te Mesia, 576–80