Pene 18: Ua ma‘iti Iesu i Ta’na mau aposetolo

Hōho’a

Jesus teaches people from a boat on the shore of the Sea of Galilee - ch.18-1

I te hoê mahana ua haapii Iesu i te mau taata na ni‘a mai i te poti i te pae tahatai o te Roto no Galilea. No te hoê taata tei piihia o Petero te poti.

Luka 5:1–3

Hōho’a

Jesus tells Peter to take his boat into deep water - ch.18-2

Ua tai‘a noa o Petero e to’na mau hoa e ao noa a‘e ra te pô ma te i‘a ore. Ia hope ta Iesu haapiiraa, parau atu ra Oia ia Petero ia faanuu i te poti i te vahi hohonu. E ua parau atu ra Oia ia Petero e to’na mau hoa ia tuu i ta ratou upea i roto i te miti.

Luka 5:4–5

Hōho’a

Peter catches so many fish that the net breaks - ch.18-3

No te rahi o te i‘a o ta ratou i tai‘a ua haamata ihora ta ratou mau upea i te motumotu.

Luka 5:6

Hōho’a

Peter calls to men in another boat to help carry all the fish - ch.18-4

Ua tuo atu ra o Petero i to’na mau hoa i roto i te tahi atu poti ia haere mai e tauturu. Ua î na poti e piti atoa ra i te i‘a e ua fatata roa i te tomo.

Luka 5:7

Hōho’a

Peter is amazed at the number of fish he has caught - ch.18-5

Ua maere o Petero e to’na mau hoa. Ua ite ratou e, na Iesu Mesia i faatupu i te reira.

Luka 5:8–9

Hōho’a

Peter kneels at the Savior's feet - ch.18-6

Ua tipapa ihora o Petero i raro i te pae avae o te Faaora. Ua parau atu ra oia e, aita e ti‘a ia’na ia ti‘a i piha‘iho ia Iesu. Ua parau atu ra Iesu ia Petero eiaha e mata‘u.

Luka 5:8–10

Hōho’a

Jesus tells Peter, James and John to follow Him - ch.18-7

E piti a Petero na hoa, o Iakobo e o Ioane, e na taea‘e raua. Ua parau atu ra Iesu ia Petero, Iakobo e Ioane ia pee mai Ia’na e ia riro ei « ravaai taata ». Faaru‘e ihora taua mau taata ra i te mau mea atoa na ratou ra e ua pee atu ra ia Iesu. Ua ani atoa te Faaora i te tahi atu mau taata ia pee mai Ia’na.

Mataio 4:18–22; 9:9; Luka 5:10–11; Ioane 1:35–51

Hōho’a

Jesus ordains the Apostles - ch.18-8

Ua ma‘iti Iesu ahuru e ma piti aposetolo no te arata‘i i Ta’na Ekalesia. Ua pure Oia e ao noa a‘e ra te po ia ti‘a Ia’na ia ma‘iti i te mau taata ti‘a. Ia po‘ipo‘i a‘e ua ma‘iti e ua faatoro‘a Oia ahuru e ma piti taata, ua horo‘a ia ratou i te autahu‘araa e te mana ia riro ei aposetolo.

Mareko 3:14; Luka 6:12–16; Ioane 15:16

Hōho’a

The Apostles go forth to preach - ch.18-9

Ua ratere haere te mau aposetolo na te mau oire e rave rahi. Ua haapii ratou i te evanelia e ua faaora i te taata. Ua ho‘i mai ratou e faaite ia Iesu i ta ratou i rave ra.

Mareko 6:30; Luka 9:1–6, 10