Sramsram Ke Ma Suhmuhslah
Jisus El Kuh In Orwaclah Ma Muhnahs In Fokoko—Lesin lal Paul ke sie “ohtoh”

Luo Corinth 12:7–10

Jisus El Kuh In Orwaclah Ma Muhnahs In Fokoko

Lesin lal Paul ke sie “ohtoh”

Mwet Sap Paul el luti nuh sin mwet ke Mwet Lahngo.

Mwet Sap Paul el mwet kuhlwacnsap wowo se luhn Jisus Kraist. Puhs fwackyak yohrohl ac el luti mwet uh ke Mwet Lahngo. Tuhsruhk oasr pac ma upac nuh sel.

Luo Corinth 12:7

Paul el sihmihs lwacta se nuh sin mempucr ke Alu uh fin acn Corinth.

Ke sie lwacta nuh sin mempucr ke Alu uh, Paul el kapsruh ma upac nuh sel oacna ke ohtoh se tilyang nuhke kolol. Tuh oruh Paul el puhla muhnahslah na upac.

Luo Corinth12:7

Paul el pruhe.

Pacl tolu, Paul el pruhe ac siyuck Leum Elan eslah ma upac nuh sel ah. Tuhsruhk Leum El tiacna eslah luhkwel.

Luo Corinth 12:8–9

Mwet Lahngo El sruokyac pahol Paul ac oluhlwack.

Tuhsruhk, Leum El fahk nuh sel Paul lah yohk tari kuh Lal in orwaclah Paul elan fokoko. Paul el lotwelah lah kuhtuh pacl uh ma upac uh kuh in ma wowo se kuht fin forlah nuh sin Leum ac siyuck ke kahsruh. Ke kuht puhla muhnahs, Jisus Kraist El kuh in orwaclah kuht in fokoko, finne ma upac nuh sesr uh tiac wacngihnlac.

Luo Corinth 12:9–10