Jisus El Ahkkweye Mwet Tuhma Lutlut Luo

Tuhkweni fahsr ke inkacnek nuh Emmaus

Luo sin mwet tuhma lutlut luhn Jisus fahsr inkacnek nuh Emmaus.

Ke lwen se Jisus El sifil moulyak ah, mwet tuhma lutlut luo fahsr liki acn Jerusalem nuh ke acn srihsrihk se pahngpahng Emmmaus. Elos mwet luhlahlfongi luhn Jisus Kraist, ac eltahl suhpwacr. Elos sramsram nuh selos sifacna ke misac luhn Jisus Kraist ac kuhtuh ma sahyac ma sikyak ke kuhtuh lwen somlah.

Luke 24:13–14

Jisus El sikyang ac wi mwet tuhma lutlut ah fahsr. Mwet tuhma lutlut ac tiac etuh lah Jisus.

Ke elos fahsr, Jisus El tuhkuh ac weluhltahl fahsr, tuhsruhk eltahl tiac etuh lah Jisus. El siyuck lah meac eltahl sruhmuhnah ac efuh kuh elos suhpwacr.

Luke 24:15–17

Mwet tuhma lutlut ac ahkuhtweyac lah Jisus El misac.

Eltahl lut lah El tiac etuh ma sikyak ah. Eltahl sruhmuhn nuh Sel ke Jisus. Elos pahngon El pa Mwet Lahngo lalos uh, tuhsruhktuh El misac.

Luke 24:18–21

Mwet tuhma lutlut ah fahk lah mahnol Jisus utucklac liki kuclyuck ah.

Eltahl fahk pac lah kuhtuh sin muhtwacn ah som nuhke kuclyuck Lal ah, tuhsruhk monin Jisus wacnginlac. Lipufacn ah fahk nuh sin muhtwacn ah lah Jisus el moulyak.

Luke 24:21–24

Na Jisus El lotweltahl ke ma suhmuhslah fahk ke Mwet Lahngo sac. El fahk muh mwet pahluh ac luti lah Mwet Lahngo Elac muh misac ac sifil moulyak.

Luke 24:25–27

Jisus El ahkinsewowoyelah puhret ah ac sang nuh sin mwet tuhma lutlut ac.

Ke eltahl sun acn Emmaus, tuh arulacna pahtlac. Mwet tuhma lutlut luo ah suli Jisus Elan muhta yorohltahl. Jisus El pihtucki in weluhlos mongo. El eis puhret ah, ahkinsewowoyelah, ac sang nuh sin mwet tuhma lutlut ac. Ke pacl sac, elos etuh lah El pa Jisus. KIhtin pacl ah na El wacngihnlac.

Luke 24:29–31

Mwet tuhma lutlut ac sruhmuhn ma elos puhla ah nuh sin Jisus.

Mwet tuhma lutlut luo ah sruhmuhn ke engan elos puhla insiaclos ke Jisus El lotweltahl ke ma lun ma suhmuhslah ah. Eltahl suhlahklahk fohlohk nuh Jerusalem in sruhmuhn nuh sin mwet tuhma lutlut sahyac ah lah eltahl tuh liye Jisus.

Luke 24:32–35