Ikacslah
Ke Wuhlweacng Sasuc
Sramsram ke Jisus Kraist ac mwet fahsr Tohkohl
Oasr ip luo ke Pwacpuhl uh: Wuhlweacng Mahtuh ac Wuhlweacng Sasuc. Wuhlweacng Mahtuh sihmihsyucklac sin mwet pahluh ke pacl loeloes somlah. Kuhtuh sin mwet pahluh inge suhmuhslah muh God El olwelah in suhpwacma Mwet Lahngo se. El ac fah Wen Nuhtin God ac molikuhtlac liki ma koluk ac misac tuh kuht in sifil muhta yurin God.
Isaiah 53:3–5; Jacob 7:11; Moses 4
Wuhlweacng Sasuc sruhmuhn ke olwelah se inge tuh ahkpwacyeiyuck. El sruhmuhn ke isuslac luhn Jisus Kraist, Wen Nuhtin God.
Luke 2:4–7
Wuhlweacng Sasuc el oacyacpac sruhmuhn ke moul luhn Jisus. El muhta inmahsrlon mwet Jew ac luti kuht lah kuht ac moul fuhkah kuht in muh fohlohk nuh yurin Pahpah Inkuhsrao sie pacl.
Mattew 5:1–2
Jisus El ahkinsewowoye ac kuhlwacnsap mwet. El oruh mwenmwen pucspucs nuh selos, oacna unwelah mwet mas ac fohlohkuhnma mwet misac tari nuhke moul.
Mattew 4:23
Jisus El sulaclah mwet singucul luo sin mwet ma fahsr Tohkohl in Mwet Sap. El sang nuh selos wal in kol Alu Lal.
Luke 9:1–2
Ke srihpen El luhngse kuht, Jisus El eis nuh facl kweok, ahsor, ac ma koluk lasr. El misac kacsr. Na, tukun lwen tolu, El kuhtwanglah misac ac sifil moulyak! Jisus Kraist El moul ac ke Srihpacl, kuht kuh in auliyak ke ma koluk lasr ac sifil moul tukihn kuht misac.
Mwet ma etuh ac luhngse Jisus suhmuhslah ma inge nuhkwewa. Mwet Sap Lal sihmihs lwacta in kahsruh mempucr ke Alu in ahkkweye luhlahlfongi laltahl ke Jisus Kraist. Ma elos suhmuhslah tuh karihngihnyuckyang nuhke yac, na puhs. Ingena kom kuh in riti ke Wuhlweacng Sasuc ac lotwelah in fahsr tukihn Jisus Kraist.
Luke 1:1–4