Orekma 6–7

Stephen El Fahkwack ke Jisus Kraist

Sie mwet kuhlwacnsap puhlaik fuhlweack moul lal ke srihpen luhlahlfongi kuh lal

Alu uh kapwack arulacna pihsrpihsr. Upacla liki met ah nuh sin Mwet Sap in karuhnganwacng mempucr nuhkwewa.

Orekma 6:1–2

Mwet Sap ah sulaclah in pahngon mukul itkohsr ma kuh in kahsruh. Eltahl siyuck sin mempucr ah in sulaclah itkohsr mwet ma lahlmwetmwet ac yohk Nguhn Muhtahl yohroh.

Orekma 6:3

Sie sin mwet eltahl tuh sulaclah pa Stephen. Mwet Sap elos ahkinsewowoyacl. Yohk luhlahlfongi lal Stephen ac el tuh oruh ma usrnguck puhs inmahsrlon mwet ah.

Orekma 6:5–8

Stephen el sramsram ke Jisus Kraist ke lahlmwetmwet ac ke Nguhn. Tuhsruhk mwet kol ke sie iwen lohlngohk tiacna luhngse ma el tuh luti ac. Eltahl fahk muh el sramsram laenuhl Moses ac lain God. Eltahl usacluh Stephen nuh ye muhtuhn tol fuhlwact ac mwet kol sahyac.

Orekma 6:9–15; 7:1

Muhtahl Stephen oacna in muhtuhn lipufacn se. El ahkacsmakihnye mwet kol ah lah God El suhpwaclma Moses in molwelah Mwet Israel ah, tuhsruhk elos tiac lohnguhl Moses pacl nuhkwewa. Stephen el fahk lah Moses el tuh oacna Jisus Kraist. God El suhpwaclma in molwelah mwet Lal, tuhsruhk mwet kol ah tiacna fahsr Tohkohl. Mwet kol ah arulacna kasrkuhsrak sel Stephen.

Orekma 7:20–43, 51–54

Sesseslah ke Nguhn Muhtahl, Stephen el ngetwack nuh inkuhsrao. El liye Jisus Kraist tulac lacpo lacyot sin Pahpah Inkuhsrao.

Orekma 7:55–56

Ke Stephen el fahk nuh sin mwet kol ah ke ma el liye ah, eltahl sulpacna kasrkuhsrak liki met ah. Eltahl sasayak ke sie puhsra luhlahp ac sruokilyac Stephen. Eltahl sisuhllah nuh lihkihn siti ac.

Orekma 7:57

Eltahl fihliac nuknuk lalos yurin sie mwet fuhsr pahngpahng Saul. Na elos tangluhl Stephen elan muh misac. Saul el ahkkweye ma elos tuh oruh ah. Stephen el pruhe. El siyuck sin Leum Elacn nuhnak muhnahs nuh sin mwet ma akkweokyacl ah. El oacyacpac siyuck sin Leum in eis nguhnal nuh inkuhsrao.

Orekma 7:59–60; 8:1