Jisus El Fahkwack ke Misin Lal

Lihllihlyak liki acn Nazareth

Jisus El som nuh Nazareth, yen sucu ac kawuck Lal muhta we. Acn se ma El mahtuhlah we. Ke lwen Sahpuht, El som nuhke iwen lohlngohk, suc ma mwet uh som in lutlut ke ma suhmuhslah ac alu nuh sin God.

Luke 4:16–17

Jisus el riti sie ma suhmuhslah ke iwen lohlngohk sac.

Ke iwen lohlngohk sac, Jisus El tuyak ac riti sie ma suhmuhslah sin mwet pahluh Isaiah. Ma suhmuhslah sac fahk muh sie lwen Mwet Lahngo se ac tuhkuh. El fah luti ke wosasuc nuh sin mwet suhkahsruhp ac unwelah inse muhsahllah. El ac kahsruh mwet kun ac elos ma ahkkweokyeyuck.

Isaiah 61:1–2; Luke 4:17–19

Jisus El fahk nuh sin mwet ah lah El pa Mwet Lahngo sac.

El tari ke rit ac muhta nuh ten. Mwet nuhkwewa ngetwacng Suilyac. El fahk nuh seltahl ke lwen sac pacna, ma suhmuhslah El riti ac ahkpwacyeiyuck. El pa Mwet Lahngo sac.

Luke 4:21

Mwet ac motko lah fuhkah tuh Jisus in pa Mwet Lahngo sac.

Mwet fin acn Nazareth tuh aralcna fwefwelac ke ma Jisus el fahk ah. Fuhkah tuh Jisus pa Mwet Lahngo sac? Eltahl motko muh El wen sena nahtuhl Mary ac Joseph, tiac pa Wen Nuhtin God. Nuh seltahl, El oacpacna mwet uh.

Luke 4:22

Jisus El etuh lah mwet ah ke Elan oruh sie mwenmwen ah in ahkpwacye lah El pa Mwet Lahngo sac. El luti mwenmwen sac nuh sin mwet ma luhlahlfongi, ac kuhtuh pacl uh God El orek mwenmwen nuh seltahl ma tiac mwet Israel mweyen yohk kuhtuh luhlahlfongi laltahl. Kuhtuh mwet ke iwen lohlngohk sac tuh kasrkuhsrak sin Jisus.

Luke 4:23–28

Eltahl amackuhnuhllah nuh lihkihn siti uh ac usaclwack nuh fin ohl soko. Eltahl ahko in sinuckuhnuhllah fin fuhluh se.

Luke 4:28–29

JIsus El fahlac liki mwet kasrkuhsrak ah.

Luke 4:30

Ke srihpen eltahl tiac enenwacl Nazareth, Jisus El som nuhke siena siti in luti.

Luke 4:31–32