Mwet Lahngo El Isuslac

Olwelah luhn God Ahkpwacyeiyuck

Joseph ac Mary fuhfahsryucsr nuh Bethlehem.

Joseph ac Mary muhta Nazareth. Mary elac oswelah tuhlihk fuhsr se ke pacl sa. Mwet nuhkwewa enenuh in som nuh ke acn sel sifacna in suhmuhslah inel. Kalmen ma se inge pa Joseph ac Mary enenuh in som nuh Bethlehem, acn sel Joseph. Eltahl tuh fahsr ke inkacnek loes in sun acn we.

Luke 2:1–5

Fuhfahsryucsr sac tiac fihsrwacsr nuh sel Mary. Ke srihpen puhslac mwet tuhkuh nuh Bethlehem, Mary ac Joseph koflah in konwacack acn Mary el kuh in oswelah tuhlihk fuhsr se nahtuhl ah we.

Luke 2:6–7

Mary ac Joseph sruok tuhlihk fuhsr Jisus.

Eltahl konwacack acn in muhta se luhn ma orahkrahk ah. Ke acn puhsisacl se inge, Jisus El tuh Isuslac. Mary ac Joseph luhngse tuhlihk fuhsr Jisus ac karuhnganuhlwacng. Eltahl nokomuhllah ke nuknuk in kahsruh Elan fucsrfucsr ac puhla wo. Eltahl likilyac Elan mutul ke nien mongo luhn kosro, suc kwacna orekmakihnyuck in kihte ma orahkrahk.

Luke 2:6–7

Sie lipufacn sikyang nuh sin sie un mwet shepherd.

In acn sac, mwet shepherd elos liyacacng sheep nahtuhlos ke fong sac. Kihtin pacl ah, sie kahlwem sahrmwelihk raunweloslac, ac lipufacn se sikyak. Mwet shepherd ac arulacna sahngweng.

Lipufacn sac fahk nuh sin mwet shepherd ah lah Jisus el tuhfahna isuslac.

Lipufacn sac fahk nuh seltahl eltahl in tiac sahngeng, mweyen oasr pweng wowo yohrohl! Mwet Lahngo El isuslac Bethlehem, ac eltahl kuh in konwaclwack ke El oan ke sie nien mongo luhn kosro. In kihtin pacl ah na oasr sie u luhlahp ke lipufacn tuhkuh, fahk, “Wolana nu sin God in fulwatlana, ac milac fin faclu, nu sin mwet su El insewowo kaclos!”

Luke 2:10–15

Mwet shepherd ac pwacngwack nuh sin tuhlihk fuhsr Jisus.

Mwet shepherd ah suhlahklahk in som nuh Bethlehem ac konwacack tuhlihk fuhsr Jisus, oacna ke lipufacn sac fahk ah. Eltahl sruhmuhn nuh sin mwet ke ma wolacna eltahl tuh liye ac lohng. Eltahl etuh lah Jisus el tuhlihk yohk srihpac se.

Luke 2:16–17

Mary ac Joseph usacl tuhlihk fuhsr Jisus nuhke tempuhl in isaclwacng nuh sin God. Eltahl tuh ohsun nuh sin mukul se pahngpahng Simeon. Nguhn Muhtahl tuh fahk nuh sel Simeon lah elac tuhfah ohsun nuh sin Mwet Lahngo sac met liki el misac. El sruokyac tuhlihk fuhsr sac ac fahk lah Jisus lac fah molwelah tuhlihk nuhkwewa nuhtin God. Joeph ac Mary tuh fwefwelac ke ma el fahk ah.

Luke 2:22–35

Anna el ohsun nuh sin tuhlihk fuhsr Jisus.

Ke tempuhl oasr pac sie mwet pahngpahng Anna. Mukul tuhmwacl ah misac ke yac pucspucs somlah. Ingena Anna el sislah pacl lal nuhkwewa alu nuh sin God lun tempuhl. El kuloh nuh sin God ke pacl wo in ohsun nuh sin Mwet Lahngo. Pacl nuhkwewa el sun mwet ma sano Mwet Lahngo, el sruhmuhn nuh seltahl ke Jisus.

Luke 2:36–38

Mwet lahlmwetmwet elos liye itu se sikyak inkuhsrao.

Ke Jisus El isuslac, mwet lahlmwetmwet ke acn kuhtuhlacp liye itu sasuc se. Eltahl etuh lah kalmac pa tuhlihk yohk srihpac se isuslac suc fah Wen nuhtin God ac Mwet Lahngo luhn facluh. Eltahl muhtwacwacack fuhfahsryucsr loeloes se laltahl in tuhkuh nuh yurin tuhlihk se inge ac alu nuh Sel. Eltahl kena use mwe sang nuh Sel in ahkkahlwemye luhngse lalos nuh Sel.

Mattew 2:1–7; liye Joseph Smith Translation ke notes, 2a

Mwet Lahlmwetmwet ah suk ke Mwet Lahngo sac fin acn Jerusalem.

Tukihn fuhfahsryucsr ke pacl na loes se, mwet lahlmwetmwet ah tuhkuh nuh Jerusalem. Eltahl fahk lah tohkohsrah sasuc se luhn mwet Jew, Mwet Lahngo sac, el isuslac, ac eltahl tuhkuh in alu nuh Sel. Eltahl siyuck lac piyac acn eltahl kuh in konwacack tohkohsrah sasuc sac we.

Matthew 2:1–2

Herod el fahk nuh sin mwet lal ah in sokwack tohkohsrah sasuc sac.

Tohkohsrah se pahngpahng Herod el etwacack lah mwet lahlmwetmwet ah suk tohkohsrah sasuc se. El tuh fosrngah. Prist lal ac mwet sihm fahk lah ma suhmuhslah fahk muh tohkohsrah sasuc se ac fah isuslac Bethlehem. Herod el sap mwet lahlmwetmwet ah in suk fin acn Bethlehem ac fohlohkuh fahk nuh sel ke eltahl konwacack tohkohsrah sasuc sac.

Matthew 2:3–8

Mwet lahlmwetmwet ah alu nuh sin tuhlihk fuhsr Jisus.

Mwet lahlmwetmwet ah tuhkuh nuh Bethlehem. Eltahl ukwoe itu sac, suc kohlohltahl nuh yurin Jisus. Ke eltahl konwaclwack ac Mary ac Joseph, eltahl sang nuh sin Jisus mwe sang sacohk tolu ac alu nuh Sel. God El sensenkackihn eltahl in tiac fohlohklac nuh yohrohl Herod, na eltahl som ke soko pacna inkacnek.

Mattew 2:9–12

Lipufacn se fahk nuh sel Joseph lah el enenuh in uslah sucu lal ah nuh Egypt.

Tukihn mwet lahlmwetmwet ah som, Joseph el oruh sie mwemwe. Ke mwemwe sac, lipufacn se fahk nuh sel Joseph lah Herod el kasrkuhsrak. Joseph el enenuh in usacl Mary ac Jisus som nuh Egypt eltahl in muh sef.

Mattew 2:13

Joseph, Mary, ac Jisus kahenglac nuh Egypt.

Joseph el tuhkahkwek ke kihtin pacl ah. El kahenglac nuh Egypt weluhl Mary ac Jisus ke srackna fong.

Mattew 2:14

Joseph, Mary, ac Jisus oasr acn seltahl ah.

Mary, Joseph, ac Jisus muhta fin acn Egypt neke lipufacn sac fahk lah Herod el misac ac sef in fohlohklac. Na eltahl fohlohklac in muhta Nazareth.

Mattew 2:15, 19–23