Mattew 26; Luke 22; John 13–14

Mongo in Ekuh Sahflah

Jisus El ahkuhtweyac ke kuhfa luhn Leum

Jisus ac Mwet Sap Lal oasr Jerusalem in ahkfuhlwactye Kuhfwen Ahluhkwelah. Mwet Jew ahkfuhlwactye Kuhfwen Ahluhkwelah ke yac nuhkwewa. Kahsreltahl in esam lah, yac puhs somlah, sucu laltahl ah mwet kohs fin acn Egypt, ac God El kahsreltahl in kahinglac.

Exodus 12:27

Ke eltahl som nuh Jerusalem, Jisus ac Mwet Sap Lal ah tuhkweni ke sie kuhfa yohk srihpac. Jisus El sukok pacl in akacsruhi ke kuhfa se inge yohrohlos.

Luke 22:7–15

Tukihn eltahl mongo tari, Jisus El nwacklah pol se ke kof. El muhtwacwacack in oul nien mwet Sap Lal ah.

John 13:4–5

Na pacl in Peter, el siyuck lah efuh Jisus El oruh ma se inge. Oul nien mwet pa ma se mwet kuhlwacnsap muhkwena oruh pacl nuhkwewa.

John 13:6

Jisus El fahk muh El oul niacltahl in akiac srihkasrak se nuh selos. El luhngse elos in kuhlwacnsuhpuh ac luhngse sie sin sie oacna ke El luhngse elos. Elosl fin oruh ma se inge, mwet uh ac etuh lah eltahl mwet tuhma lutlut Lal.

John 13:14–16, 34–35

Jisus El fahk nuh sin mwet tuhma lutlut Lal ah muh elac sa na misac. Peter el fahk muh el sulaclah in misac ke Jisus.

John 13:36–38

Tuhsruhk Jisus El etuh lah pacl upac ac fah tuhkuh. El fahk nuh sel Peter muh met liki won uh kahklah, Peter elac lahfwekuhnuhl pacl tolu muh el tiacna etwacl Jisus.

John 13:38

Jisus El etuh lah Mwet Sap Lal ah ac fosrngah ac sahngeng. El olwelah muh God Elac sang Nguhn Muhtahl nuh selos. Nguhn Muhtahl ac fah akwoyacltahl, lotweltahl, ac kahsreltahl in esam ma Jisus El tuh luti nuh selos. El fahk nuh seltahl in tiac fosrngah kuh sahngeng El fahk, “Kowos fin lungse nga, kowos ac akos ma sap luk.”

John 14:1, 15–16, 26–27

Na Jisus El oruh sie ma wolacna in kahsruh Mwet Sap Lal in Esamuhl pacl nuhkwewa. El sang kuhfa lun Leum nuh selos. Mase met, El ahkinsewowoyelah puhret, kuhnsaclihk nuhke ip srihsrihk, ac sang nuh sin Mwet Sap Lal. Jisus El fahk nuh seltahl in nuhnkuh ke Mahnol ke eltahl mongo puhret. El siyuck elos in esam lah Elac misac kacltahl.

Mattew 26:26; Luke 22:19

Na Jisus El okwacacng wain nuh lun kuhp se. El ahkinsewowoyelah wain sac ac fahk nuh sin Mwet Sap ah in nihm. Jisus El siyuck eltahl in esam srah Kacl ke eltahl nihm wain sac. El siyuck eltahl in esam lah El ac kweok, kihnet, ac misac ke ngal ac ma koluk luhn mwet nuhkwewa kuht in muh auliyak ac eis nuhnak muhnahs kac.

Mattew 26:27–28; Luke 22:20

Na Jisus El ahkuhtweyac lah El oacna soko fain, ac mwet tuhma lutlut Lal oacna lah ke sahk uh. Fin lah se kuhpahsryang nuhke fain soko ah, elac isus fahko. Lah se ma tiac kuhpahsryang nuhke fain soko ah, misac ac koflah isus fahko. Jisus El luhngse mwet tuhma lutlut Lal ah in fototo nuh Sel pacl nuhkwewa in luhngse sie sin sie ac liacacng masap Lal.

John 15:4–12

Tukihn luti ke ma inge, Jisus ac Mwet Sap Lal ah yuck soko on. Eltahl fahsr apkuhran nuhke imac se pahngpahng Gethsemane.

Mattew 26:30