Luke 24:1–12, 36–49; John 20
El Moulyak
Jisus Kraist El kuhtanglah misac nuh sin mwet nuhkwewa
Mwet tuhma lutlut luhn Jisus fihliyac Mahnol nuh in kuclyuck Lal ah. Eltahl kena oraclah in arulacna wo ke eltahl orekma ke Mahnol, tuhsruhk apkuhran in Sacnri lac. Eltahl placni in fohlohk tukihn Sacnri in ahksahfye.
Luke 23:52–56
Toang ke lututacng ke lwen ahktolu tukihn misac luhn Jisus ah, Mary Magdalene ac kuhtuh pac sahyac som nuhke kuclyuck sac.
Luke 24:1; John 20:1
Ke eltahl sun acn we, eltahl liye lah yot se sang kaliyac kuclyuck sac ipiplac. Eltahl som nuhke kuclyuck sac, ac monin Jisus wacngihn we.
Luke 24:2–3; John 20:1
Mary el kahsruhsr som in fahk nuh sel Peter ac John lah mwet se uslah mahnol Jisus. Peter ac John kahsruhsr nuhke kuclyuck sac.
John 20:2–4
Ke eltahl tuhkuh nuhke kuclyuck sac, Peter ac John utyak nuh loac. Elos liye lah mahnol Jisus wacngihnlac. Nuknuk ma sang Nokomuhllah ah srackna oasr we.
John 20:5–7
Peter ac John fohlohklac nuh lohm seltahl ah, tuhsruhk Mary el muhta ke kuclyuck sac, tuhng. El ngwetacng nuhke kuclyuck sac ac liye lipufacn luo. Elosl siyuck sel lah efuh el tuhng. El fahk lah mwet se uslah mahnol Jisus, ac el tiac etuh lah oasr oyac.
John 20:11–13
Na Jesus El sikyak, tuhsruhk Mary el tiac etuh lah El. Jisus el siyuck sel, “Mutan, efu kom ku tung?” Mary el nuhnkuh muh mwet karihngihn imac sac. El siyuck Sel lah el etuh piac acn se mahnol Jisus oasr we uh.
John 14:15.
Jisus El fahk, “Mary.” El tahpuhllac. Inge el etuh lah El pa Jisus! El fahk nuh Sel, “Rabboni!”(Kalmac pa “Mwet Luti) Jisus El siyuck sel [Mary] elan fahk nuh sin mwet tuhma lutlut sahyac ah lah El enenuh in som nuh yurin Pahpah Tuhmwacl Inkuhsrao. Mary el konwacack mwet tuhma lutlut sahyac ah ac fahk nuh sel0s lah el liye Jisus ac El sifil moul!
John 20:16–18
Ke ekuh sac, puhs inmahsrlon Mwet Sap ah tuh toeni. Eltahl kaliyac sruhnguhl ah, sensen muh mwet kol luhn mwet Jew ac srihke in konwacltahlwack. Kihtin pacl ah, eltahl liyacl Jisus tulac inmahsrloltahl. Met eltahl sahngeng. Eltahl nuhnkuh muh nguhn se pa El. Jisus El fahk, “Misla nu suwos.”
Luke 24:33–38; John 20:19
Jisus El suli Mwet Sap ah in kahlyac Pahol ac Niacl. El ke eltahl in etuh lah oasr mahno Lal, tiac nguhn se muhkwena. El tuh mongo ik ac mwe ahkkweye mahno yohrohltahl. Mwet tuhma lutlut ac arulacna engan in Liyacl!
Luke 24:39–44; John 20:20
Jisus El kahsruh mwet tuhma lutlut Lal ah in kahlwem ke ma suhmuhslah ma luti ke misac ac Moulyak Lal ah. El kena elos in luti mwet nuhkwewa lah ke Srihpacl, eltahl kuh in auliyak ac eis nuhnak muhnahs. Mwet Sap elos fah mwet loh Lal.
Luke 24:44–48
Mwet Sap Thomas el wacngihn we ke Jisus El tuhkuh ah. El fahk muh el tiac kuh in luhlahlfongi muh Jisus El sifil moul ne kena el liye ahkucl ke osra lun Pahol ah.
John 20:24–25
Lwen oalkosr tohkoh, mwet tuhma lutlut ac tuhkweni nuh sie. Jisus El sulpac sikyak. Pacl se inge Thomas el oasr we.
John 20:26
Jisus El sap Thomas elan kahlyac kihnet lun Pahol ac siskac. El fahk nuh sel Thomas, “nimet kom alolo, a lulalfongi.” Thomas el fahk, “Leum luk ac God luk” Inge Thomas el luhlahlfongi lah Jisus El sifil moulyak. Jisus El fahk muh mwet uh ahkinsewowoyeyuck ke eltahl luhlahlfongi uh, finne eltahl sonna Liyacl.
John 20:27–29