Mattew 3

Jisus El Pacptaislac

Akiac mwe srihkasrak se ke ahkostwen nuh sin God

God El pahngohl John in kahsruh mwet uh in ahkolah nuhke tuhkuh luhn Jisus Kraist. John el luti mwet uh in auliyak ac pacptaislac. Mwet uh pahnglol John Pacptis.

Mattew 3:1–12

John el mwet luti fokoko se. Mwet pucspucs tuhkuh in lohnguhl ac pacptaislac. Sie lwen ah, Jisus el tuhkuh in tuh pacptaislac.

Mattew 3:5, 13

John el etuh lah Jisus El ahkos God pacl nuhkwewa. El tiacna enenuh in auliyak. John el tena nuhnkuh muh elac pacptaisellah Jisus. John el nuhnkuh tuh Jisus El enenuh in pacptaisellah!

Mattew 3:14

Jisus El fahk muh El enenuh pac in pacptaislac. El kena ahkos masap luhn Pahpah Tuhmwacl. El luhngse pac akiac mwe srihkasrak se nuh sesr. John el Pacptaisellah.

Mattew 3:13–15; 2 Nephi 31:5–7

Tukihn Jisus El tuhkuh liki kof ah, Nguhn Muhtahl tuhwi nuh facl oacna sie wuleoa. Pahpah Inkuhsrao El sramsram inkuhsrao me, fahk, “Kom wen kulo nutik.” Pahpah Inkuhsrao El engan na pwacye sel Jisus.

Matthew 3:16–17