Luke 19:1–10

Zacchaeus Mwet in Esacni Tax sac

Fanyak nuh ulun sahk soko in liye Jisus

Jisus El som nuh ke siti luhn Jericho. Mukul se pahngpahng Zacchaeus el muhta we. Zacchaeus el mwet in esacni tax kahsruhp se. Puhsiyen mwet uh sruhnga mwet in esacni tax uh. Eltahl motko muh mwet in esacni tax uh eslah yohklac mani luhn mwet uh.

Luke 19:1–2

Zacchaeus el lohng lah Jisus El oasr ke sitit sac. El kena lotwelah yohk Kacl. El srihke in som liye Jisus, tuhsruhk el koflah mweyen puhslac mwet raunwellah, ac Zacchaeus el arulacna fototo in liye fin mwet inge. Elac oruh fuhkah elan liye Jisus?

Luke 19:3–4

Zacchaeus el som na met ac fanyak nuh ulun sahk soko elan kuh in liye Jisus. Ke Jisus El fahsr ahliki, El Ngwetwack ac liyacl Zacchaeus ulun sahk soko ah. Jisus El pahngon inel ac fahk, “Fani nuh ten.” Jisus El luhngse som nuh in lohm sel ah. Zacchaeus el suhlahklahk fani nuh ten. El tuh arulacna engan lah Jisus lan som nuh in lohm sel ah.

Luke 19:4–6

Mwet fin acn Jericho suk lah efuh Jisus el ke som nuh lohm sel Zacchaeus ah. Eltahl paahngon Zacchaeus el mwet koluk se mweyen el mwet in esacni tax se.

Luke 19:7

Zacchaeus el fahk nuh sin Jisus, “nga ac sang tafu mwe kasrup luk nu sin mwet sukasrup.” El fahk lah el fin eslah yohk mani sin sie mwet, elac fohlohkihn nuh seltahl in yohk liki. Jesus el fahk nuh sel Zacchaeus, “Mwet nukewa lohm uh langoeyukla misenge.” Jisus El fahk lah El tuku in suk ac in molela mwet su tuhlac.

Luke 19:6, 8–10