Tabitha, sie Muhtwacn “Pacl Nukewa Oru Ma Wo”—Fohlohkinyuckyak nuhke moul ke kuh luhn Jisus Kraist

Orekma 9:36–42

Tabitha, sie Muhtwacn “Pacl Nukewa Oru Ma Wo”

Fohlohkihnyuckyak nuhke moul ke kuh luhn Jisus Kraist

Tabitha el mwet tuhma lutlut luhlahlfongi se luhn Jisus Kraist. El muhta ke sie acn srihsrihk sisken meoa se, pahngpahng Joppa. El luhngse na kuhlwacnsuhpuh ac kahsruh mwet ma suhkahsruhp uh.

Orekma 9:36

Tabitha el sang nuknuk nuh sin mwet ma enenuh.

Tabitha el oraclah nuknuk ac sang nuh sin muhtwacn ma enenuh. Eltahl luhngse Tabitha.

Orekma 9:39

Sie lwen ah, Tabitha el tuh arulacna mas. El mas na upac oruh el tuh misac.

Orekma 9:37

Mukul luo ingyak in sramsram nuh sel Peter.

Mempucr sahyac luhn Alu fin acn Joppa tuh arulacna suhpwacrlac. Eltahl etuh lah Peter, sie sin Mwet Sap luhn Jisus, oasr ke acn srihsrihk se fototo nuh we. Eltahl suhpwaclah mwet luo in siyuck sel Peter elan suhlwahklwahk weluhltahl tuhkuh.

Orekma 9:38

Mwet ah pwacnuhl Peter nuh yohrohl Tabitha.

Peter el tuhkuh nuhke acn se ma mahnol Tabitha oan we ah. Kuhtuh sin muhtwacn ma Tabitha el kahsruh ah oasr we. Eltahl sang Peter el liye nuknuk ma el oraclah latahl ah.

Orekma 9:39

Peter el sikuckmuhtuhntei ac pruhe siskacl Tabitha.

Peter el siyuck mwet nuhkwewa in tifoklac liki infuckihl sac. El sikuckmuhtuhntei ac pruhe.

Orekma 9:40

Tabitha el fohlohkihnyuckyak nuhke moul.

Tukun pruhe tari, Peter el fahk, “Tabitha, tukakek.” El ikacslah muhtahl ac tuhkahkwek. Peter el kahsrwel elan tuyak. Tabitha el sifil moulyak! Peter el pahngonma kawuck lal ah in tuhkuh ac liyacl. Eltahl fwefwelac! Eltahl etuh lah fohlohkihnyuckyak el nuhke moul ke kuh luhn Jisus Kraist. Sulpac puhseni mwet luhlahlfongi ke El.

Orekma 9:40–42