Luke 7:1–10

Jisus El Ahkkweyelah Mwet Kuhlwacnsap luhn Centurion se

Sie mwet kol luhn acn Rome ahkkahlwemye luhlahlfongi kuh

Sie centurion muhta Capernaum, acn se Jisus el kwacna luti we. El pa mwet kol se luhn sie un solse luhlahp.

Luke 7:1–2

Oasr mwet kuhlwacnsap se luhn centurion se inge suc arulacna yohk srihpac nuh sel. Mwet kuhlwacnsap sac masack ac el ac fahsr in misac.

Luke 7:2

Finne centurion sac tiac mwet Jew, el lohnglohng kacl Jisus. El luhlahlfongi muh oasr kuh yurin Jisus in oruh mwenmwen kuhlacna. El suhpwaclah kuhtuh mwet kol luhn mwet Jew in siyuck Jisus elacn tuhkuh ac ahkkweyelah mwet kuhlacnsap se lal ah.

Luke 7:3–4

Mwet kol ah fahk nuh sin Jisus ke centurion sac ac mwet kuhlacnsap se lal ah. Eltahl fahk lah centurion sac tuh kuhlwacng nuh sin mwet Jew ac. Jisus El muhtwacwacack fahsr nuh lohm sin centurion sac. Tuhsruhk met liki El sun acn we, kuhtuh sin kawuck luhn centurion sac tulokihnilyac. Eltahl fahk muh El in tiac som nuh lun lohm sac.

Luke 7:4–6

Kawuck ah fahk muh centurion sac tiacna puhla nwacsnwacs Jisus elacn tuhkuh nuh lun lohm sel ah. El luhlahlfongi muh Jisus El kuh in ahkkweyelah mwet kuhlwacnsap se lal ah finne yen loeslac.

Luke 7:6–8

Jisus El fwefwelac ke luhlahlfongi luhn centurion sac. El fahk lah El sonna liye met kain luhlahlfongi fokoko se inge.

Luke 7:9

Ke kawuck luhn centurion sac fohlohk nuh lohm sel ah, mwet kuhlwacnsap sac kwelac na pwacye. Jisus El ahkkweyacllah, oacna ke centurion sac luhlahlfongi muh El kuh ah.

Luke 7:10