Jisus Kraist pa Mwet Shepherd Wo

“Sheep nutik porongo pusrek, ac Nga etalos”

Jisus El sramsram nuh sin mwet fin acn Jerusalem.

Jisus El tuh fahk nuh sin mwet Jerusalem lah El oacna sie mwet sherperd wo. Mwet tuhma lutlut Lal, kuh mwet fahsr Tohkohl, oacna sheep Nahtuhl. Mwet Shepherd Wo El luhngse sheep Nahtuhl. El etuh inen kais sie.

John 10:3, 14; liye pac Helaman 15:13

Sheep ah etuh puhsrwen mwet shepherd wo sac. Ke el pahngloltahl, eltahl lohng ac ahkos.

John 10:4, 27

Mwet shepherd wo el karihngihn sheep nahtuhl. El kohlohltahl nuhke imac folfol insroa, oacpacna ke Jisus Kraist El kol kuht nuhke moul ma pahtpaht.

John 10:9–10, 28

Mwet moliyuck nuh se uh fihlyac sheep ac kahinglac liki mwe sensen.

Ke sie mwet moliyuck nuh se in liacacng sheep uh, eltahl tiac fahsr tohkohl, mweyen eltahl tiac akihlen puhsrwacl. Ke mwe sensen tuhkuh, mwet ma moul nuh se inge kahinglac. El tiac elyah ke sheep uh oacna ke mwet shepherd wo sac.

John 10:5, 12–13

Mwet sherherd el karihngihn sheep nahtuhl.

Mwet shepherd wo el tiac kahing ke pacl oasr mwe sensen uh. Elac muhtana ac liacacng sheep Nahtuhl uh. Finne ke kisackuhnlah moul lal kaclos, oacna ke Jisus Kraist El sang moul Lal kacsr kuht in muh eis moul ma pahtpaht.

John 10:11, 17–18

Jisus El ahkuhtweyac lah El ac som nuh yurin kuhtuh pac sheep nahtuhl fin acn Macrike.

Jisus El fahk nuh sin mwet fin acn Jerusalem lah oasr pac sheep nahtuhl suc muhta ke kuhtuh pac acn sahyac. Jisus el fahk muh El ac som nuh yohrohlos pac, ac eltahl ac fah lohng luti Lal. Puk luhn Mrmon sruhmuhn ke Jisus El som nuh yurin kuhtuh sheep nahtuhl fin acn Macrike.

John 10:16; 3 Nephi 15:11–24