Simon ac ke Kuh luhn God

Lotwelah ke pristut luhn God

Simon el liye ke Mwet Sap se unwelah sie mukul.

Sie mukul pahngpahng Simon muhta fin acn Samaria. Ke el lohngwack wosasuc luhn Jisus Kraist, el luhlahlfongi. El tuh oacyacpac fwefwelac ke mwenmwen ma mwet tuhma lutlut luhn Jisus tuh oruh ke kuh luhn God. Simon el tuh pacptaislac, oacpacna mukul ac muhtwacn sahyac fin acn Samaria.

Orekma 8:5–13

Peter ac John fihliac paholtahl nuh fin sifen sie mukul.

Mwet Sap fin acn Jerusalem lohng lah mwet fin acn Samaria tuh pacptaislac. Peter ac John som nuh Samaria. Orekmakihn kuh luhn God, pristut, eltahl fihliac paholtahl nuh sin sifen mwet ma tuh pacptaislac ac sang nuh seltahl mwe sang luhn Nguhn Muhtahl.

Orekma 8:14–17

Simon el sang mani in moli pristut luhn God.

Ke Simon el liye lah Peter ac John oruh ma se inge, el sang mani ac fahk, “Se pac ku se inge nu sik.” El ke moli pristut luhn God elan muh kuh in sang pac mwe sang luhn Nguhn Muhtahl.

Orekma 8:18–19

Peter el ahkuhtweyac lah wacngihn sie mwet kuh in moli kuh luhn God. Mwe sang se tuhkuh Yohrohl me. Peter el fahk nuh sel Simon muh insiacl enenuh in eklac. El ngihsrwe Simon elan auliyak ac pruhe nuh sin God ke nuhnak muhnahs.

Orekma 8:20–23

Simon el siyuck sel Peter ke nuhnak muhnahs.

Simon el oelac. El siyuck Peter elan pruhe kacl in kahsrwel eklac.

Orekma 8:24