Kabwarabwaraana
Taekan te Nu Tetemanti
Rongorongon Iesu Kristo ao Taan Iriiria
Te Baibara iai uoua mwakorona: te O Tetemanti ao te Nu Tetemanti. Te O Tetemanti iai koroboki inanona mairouia burabeti man taai ake ngkoa. Tabeman burabeti aikai a koreia bwa te Atua e berita bwa e na kanakoa te Tia Kamaiu. E na riki bwa Natin te Atua ao e na kamaiuira man ara bure ao te mate bwa ti aonga ni manga maiu ma te Atua.
Itaia 53:3–5; Iakoba 7:11; Mote 4
Te Nu Tetemanti e taekina aron te berita aei ae kakoroaki bukina. E taekina rongorongon bungiakin Iesu Kristo, Natin te Atua.
Ruka 2:4–7
Te Nu Tetemanti e taekina naba rongorongon maiun Iesu. E maeka ibuakoia Iutaia ao e reireiniira arora ni maiu bwa ti aonga ni manga oki nakon Tamara are i Karawa n te bong teuana.
Mataio 5:1–2
Iesu e kakabwaiaia ao e beku ibukiia aomata. E karaoi kakai aika a bati ibukiia, n aron kamarurungaia aomata ake aoraki ao kamaiuakiia aomata ake a mate ao a manga maiu.
Mataio 4:23
Iesu e rineia tengaun ma uoman Ana taan iriiria bwa ana Abotoro. E anganiia naba te kariaiakaki bwa a na kaira Ana Ekaretia.
Ruka 9:1–2
Ibukina bwa E tangiriira, Iesu e katoka iaona marakira, nanokawakira, ao ara bure ni kabane. E mate ibukira. Ngkanne, teniua te bong imwiina, E tokanikai iaon te mate ao ni manga uti! E maiu Iesu Kristo, ao ibukina bwa iai Ngaia, ti kona n rairi nanora man ara bure ao ni manga maiu imwiin matera.
Aomata ake a kinaa ao a tangira Iesu a korei taekan bwaai aikai ni kabane. Ana Abotoro a korei reta ni buokiia membwa n te Ekaretia bwa a na katei aia onimaki iroun Iesu Kristo. Bwaai ake a korei a tia ni kawakinaki inanon ririki aika a mwaiti. Ngkai ko a kona ni wareki inanon te Nu Tetemanti ao n reiakina aron iriiran Iesu Kristo.
Ruka 1:1–4