Karaki man Booki Aika Tabu
A Karekea te Tamnei ae Raoiroi Korenerio ma Raoraona—Te euangkerio bon ibukiia aomata ni kabaneia

Mwakuri 10

A Karekea te Tamnei ae Raoiroi Korenerio ma Raoraona

Te euangkerio bon ibukiia aomata ni kabaneia

A buokiia aomata aika kainnano Korenerio ma ana utu.

Korenerio bon te tia kairiiri irouia tautia n Rom. A kakoaua te Atua ngaia ma ana utu, ma tiaki Iutaia ngaiia ao aki ataa taekan Iesu Kristo. E tibwai ana bwai ma ake a kainnano Korenerio ao n tataro n taainako nakon te Atua.

Makuri 10:1–2

E kaoti te anera nakon Korenerio.

N te bwakantaai teuana, e roko te anera nakon Korenerio ngke tabe n aki mamatam ao n tataro. E taku te anera, “Korenerio, e roko i eta am tataro.” E a tia te Atua n noora am akoi. E tua te anera nakon Korenerio bwa e na kakaea te Abotoro ae Betero, ae mena n te kaawa ae Iobe. E na tuangaki Korenerio iroun Betero te bwai ae na karaoia.

Makuri 10:3–6, 30–32

E tua nakon ana toro Korenerio bwa a na kakaea Betero.

E tuangiia ana toro Korenerio te bwai are e tua te anera. E kanakoia nako Iobe bwa a na tuanga Betero bwa e na roko n kawaria.

Makuri 10:7–8

E katorobubua Betero ao e tataro.

I Iobe, e mena Betero i aon taubukin te auti n tataro. E bora ni baki ao i aon kawaina n amwarake, ngke roko irouna te mi.

Makuri 10:9–10

E roko te mi irouna.

E noora te ne teuana ae ruo, ae ai aron te kunikai ae ababaki ae ruo mai karawa, ae onrake iai manin aonaba aika kawakawa, ma manin aannang. Ao e ongo te bwanaa Betero ae kangai bwa e riai ni kang maan akekei. Ma iai ibuakoia maan akekei ake aki katauaki irouia Iutaia bwa a na kanna. E taku ana tua Mote bwa aki itiaki. E aki tangiria Betero bwa e na kang.

Makuri 10:11–14

E a manga roko naba te mi nakon Betero.

E taku te bwanaa bwa ane e kaitiakia te Atua, ao e na aki atongaki bwa e aki itiaki. E kaoti te mi aei teniua te tai. E iangoia Betero bwa tera nanona.

Makuri 10:15–17

E tuanga Betero te bwanaa bwa e na nako ni kaitibo ma ana toro Korenerio.

N te tai naba anne, e tuanga Betero te Tamnei bwa a ukoukoria teniman mwaane. “Iriia,” e tua te Tamnei, “bwa I kanakomaiia ngai.”

Makuri 10:16–21

E marooro Betero ma ana toro Korenerio.

Mwaane ake teniman akekei bon ana toro Korenerio. A tuanga Betero taekan te Anera are e nooria Korenerio ao tua ngkana e na roko nakoina n reireia. Iutaia a bon aki ririn i nanon mweengaia aomata aika tiaki Iutaia, ao aki reireiaki te euangkerio irouia Abotoro. Ma ngke e uringa miina, E baaireia bwa e na nako Betero.

Makuri 10:22, 28

E kaitibo Betero ma Korenerio ao ana utu ao raoraoia.

Ngke e roko Betero, E tataningaia Korenerio ma raoraona aika mwaiti ao kaain ana utu. E tuanga Betero bwa a tauraoi n ongoraea are e tangira te Atua bwa e na tuangiia.

Makuri 10:26, 33

E reirei taekan Iesu Kristo Betero.

E a ataia ngkai Betero bwa tera ae tangiria te Atua n reireinna n te mi. E tuangiia aomata ni kabane Betero bwa e aki ti tangiriia riki te botanaomata teuana te Atua ke kurubu n aomata nakoia tabeman. E butimwaeia aomata nako te Atua are e iriiria ao n karaoa ae eti. E reireia Korenerio ao ana utu ao raoraoia Betero taekan Iesu Kristo.

Makuri 10:34–43

Betero e bwabetiteoia ana utu Korenerio ma raoraoia.

N ana tai n angareirei, e roko te Tamnei ae Raoiroi nakoia aomata ni kabane ake a kakauongo. E kaoiia Betero bwa a na bwabetitoaki n aran Iesu Kristo. E reiakinna Betero bwa ni kabane natin te Atua a bane ni butimwaeaki n ana Ekaretia Iesu Kristo. E taetaekinaki nakoia aomata nako Ana euangkerio Iesu Kristo.

Makuri 10:44–48