Ruka 24:13–25

E Karaui Nanoia Uoman Reirei Iesu

Te ikotaki n rianna n te kawai nako Emauti.

N te tai are e uti iai Iesu, uoman reirei a rianna mai Ierutarem nakon te kaawa ae arana Emauti. Bon taan iriira Iesu, ao a nanokawaki. A maroroakina taekan maten Iesu ao bwaai riki tabeua ake a riki n taai aika a nako tabeua te bong nako.

Ruka 24:13–14

Ngke a rianna, e roko Iesu ao e rianna mangaiia, ma aki ataia ae bon Iesu. E titiraki bwa tera ae a bon taekinna ao bukin tera ngkai a nanokawaki.

Ruka 24:15–17

A miimi bwa E aki ataa te bwai ae riki. A tuangnga taekan Iesu. A taku n aia iango bwa E na riki bwa aia Tia Kamaiu, ma E a tia ni mate.

Ruka 24:18–21

A taku naba bwa tabeman aine a tia n roko n te nne ni mate, ma akea rabwatan Iesu ikekei. A tuangiia aine anera bwa e maiu Iesu.

Ruka 24:21–24

E a reireiniia ngkanne Iesu baike a taekinaki ni koroboki aika tabu ibukin te Tia Kamaiu. E taku bwa a reirei burabeti bwa e na mate te Tia Kamaiu ao ni manga uti.

Ruka 24:25–27

Ngke a roko i Emauti, a taonaki n te bong. A kaoa Iesu reirei ake uoman bwa e na tiku irarikiia E tekateka Iesu n amwarake ma ngaiia. E anaa te kariki, e kakabwaia, ao n anganiia ana reirei. N te tai anne, a ataia ae bon Iesu. N te tai ae waekoa ao E a bon bua naba.

Ruka 24:29–31

A taekinna reirei ake uoman bwa a kanga ni marau nanoia ngke e reireiniia Iesu man koroboki aika tabu. A kawaekoaia n oki nako Ierutarem n tuangiia reirei ake tabeman are a tia n noora Iesu.

ruka 24:32–35