Karaki man Booki Aika Tabu
E a Uti—E tokanikai Iesu Kristo i aon te mate ibukira ni kabane

Ruka 24:1–12, 36–49; Ioane 20

E a Uti

E tokanikai Iesu Kristo i aon te mate ibukira ni kabane

Ana reirei Iesu a kitana Nnena ni mate.

Ana reirei a kaaki rabwatan Iesu n te Nnena ni mate. A tangiria bwa a na karaoa riki ae mwaiti n tararua rabwatana, ma e a kaan roko te Tabati. A baireia bwa a na manga oki i mwiin banen te Tabati.

Ruka 23:52–56

A oki nakon te nne ni mate Maria te I Mwaketara ao ake tabeman,

Ni karangainan te katenua ni bong i mwiin maten Iesu, a nako n te nne ni mate Maria te I Mwaketara ao ake tabeman.

Ruka 24:1; Ioane 20:1

Ai Akea rabwatan Iesu inanon te nne ni mate.

Ngke a roko, a nooria bwa e a tia ni karabinoaki nako te atiibu are rabuna te nne ni mate. A rinnako inanon te nne ni mate, ao ai akea rabwatan Iesu ikekei.

Ruka 24:2–3; Ioane 20:1

E tuanga Betero ao Ioane Maria ae iai temanna ae uotanako rabwatan Iesu.

E biri Maria n tuanga Betero ao Ioane bwa iai temanna ae uotanako rabwatan Iesu. Betero ao Ioane a biribiri nakon te nne ni mate.

Ioane 20:2–4

A nooria Betero ao Ioane bwa akea rabwatan Iesu n te nnei ni mate.

Ngke a roko n te nne ni mate, a rinnako Betero ao Ioane. A nooria bwa akea rabwatan Iesu ikekei. Te kunnikai are E niniiraki iai e bon mena ikekei.

Ioane 20:5–7

E nooriia uoman anera Maria inanon te nne ni mate.

A okira mweengaia Betero ao Ioane, ma e bon tiku naba ikekei Maria irarikin te nne ni mate, n tang. E taraa nanon te nne ni mate ao e nooriai uoman anera. E titirakinaki iroun te tia ununiki bwa bukin tera ngkai e tang. E taku bwa iai temanna ae uotanako rabwatan Iesu, ao e aki ataia bwa e mena iaa.

Ioane 20:11–13

E titirakina Maria Iesu bwa bukin tera ngkai e tang.

Ngkanne e a roko Iesu, ma e aki ataia Maria ae boni Ngaia. E titirakinna Iesu, “Neiko, ko aera ngkai ko tang?” E taku Maria n ana iango bwa Ngaia te tia ununiki. E titiraki nako Ina ngkana E ataia bwa e mena ia rabwatan Iesu.

Ioane 20:14–15

E rairaki Maria ao e noora Ies.

E taku Iesu, “Maria.” E rairaki. Ngkai e a ataia bwa bon Iesu! E taku nako Ina, “Te Tia Reirei.” E tuangnga Iesu bwa e na tuangiia reirei ake tabeman bwa E riai n nako ni kawara Tamana are i Karawa. E kuneiia reirei ake tabeman Maria n tuangiia bwa e a tia n noora Iesu ao E manga maiu!

Ioane 20:16–18

E kaoti Iesu ao n taetae nakoina Ana Abotoro.

N te tairiki anne, angiina Abotoro a bane n ikotaki A kainii mataroa, a maaku rimwi ao a nooraki irouia mataniwi n Iutaia ake a kataia ni kakaeiia. N te tai ae waekoa, a noora Iesu n teitei ibuakoia. N te moan tai a maaku. A taku bwa Ngaia bon te tamnei. E aku Iesu, “E na mena te rau i roumi.”

Ruka 24:33–38; Ioane 20:19

Temanna mai buakoia Abotoro e riinga bain Iesu.

E kaoiia Abotoro Iesu bwa a na riinga Baina ao waena. E tangiria bwa a na ataai ae Ngaia iai rabwatana, tiaki ti te tamnei. E kana naba te ika ma ana karewe te manibeeru ma ngaiia. A rangi ni kukurei ana reirei ngke a Nooria!

Ruka 24:39–44; Ioane 20:20

E reirei taekan matena ao Mangautina Iesu.

Ngkanne Iesu e buokiia Ana Abotoro bwa a na atai koroboki aika tabu are a reiakina taekan Matena ao Mangautina. E tangiiria bwa a na reireiniia aomata nako bwa Ibukina, a kona n rairinanoia ao ni kabwaraaki aia bure. A riki Abotoro bwa Ana tia kakoaua.

Ruka 24:44–48

E taetae Toma ma uoman Abotoro.

Akea ikekei te Abotoro are Toma ngke e roko Iesu. E taku bwa e aki kakoaua ae maiu Iesu ti ngkana e noori mwiin taian neera i baina.

Ioane 20:24–25

E a manga kaoti riki Iesu.

Waniua te bong i mwiina, a bane n ikotaki ana reirei. E a manga kaoti riki Iesu. N te tai ao e a mena ikekei Toma.

ioane 20:26

E katorobubua Toma imatan Iesu.

E kaoa Toma Iesu bwa e na riinga ikoakin baina ao rarikina. E tuanga Toma, “Tai rawa n onimaki, ma ko na onimaki.” E taku Toma, ”Au Uea ao Atuau.” E kakoaua ngkai Toma bwa Iesu e a tia n uti. E taku Iesu bwa a kakabwaiaki aomata ngkana a kakoaua, e ngae ngkana a aki Nooria.

Ioane 20:27–29