Makuri 9:36-42

Tabita, te Aine ae “Kaonaki ni Mwakuri aika a Raraoi”

Kaokaki maiuna man mwaakan Iesu Kristo

Tabita bon ana reirei Iesu Kristo ae kakaonimaki. E maeka n te kawa i rarikin taari, ae arana Iobe. E tatangiria ni beku ao n buokiia aomata ake a kainnano.

Mwakuri 9:36

E karaoi kunikai Tabita ao n anganiia aine ake a kainnano. A tatangira Tabita.

Makuri 9:39

N te bong teuana, e a rangi n aoraki Tabita. E rangi n aoraki n te aro are e a mate.

Mwakuri 9:37

A rangi n nanokaawaki kaain te Ekaretia ake tabeman i Iobe. A ataia bwa Betero, temanna ana Abotoro Iesu, e mena n te kaawa ae kaan. A kanakoia uoman mwaane bwa a na tuanga Betero bwa e na waekoa n airi ma ngaiia.

Makuri 9:38

E roko Betero nakon te tabo are e mena iai rabwatan Tabita. A mena ikekei aine tabeman ake e a tia ni buobuokiia Tabita. A kaoti kunikai nakon Betero ake e a tia ni karaoia ibukiia.

Makuri 9:39

E taungiia aomata ni kabane Betero bwa a na kitana te ruu. E katorobubua ao n tataro.

Mwakuri 9:40

Imwiin ana tataro, e taku Betero, “Tabita, teirake.” E kaurei matana ao e tekateka. E buoka Tabita Betero n kateirakea. E a manga maiu! E weteia raoraona Betero bwa a na roko ao n nooria. A kaonaki n te miimi! A ataia bwa e a tia ni kaokaki maiuna man mwaakan Iesu Kristo. A mwaiti riki aomata ake a manga kakoauaa.

Makuri 9:40–42