Mataio 3

E Bwabetitoaki Iesu

E Katea te banna ni katooto n te ongeaba nakon te Atua

Te Atua e wetea Ioane bwa e na buokiia aomata ni katauraoi ibukin rokon Iesu Kristo. Ioane e reireiniia aomata bwa a na rairi nanoia ao ni bwabetitoaki. Aomata aranna bwa Ioane te Tia Babetito.

Mataio 3:1–12

Ioane bon te tia reirei ae korakora. A mwaiti aomata ake a roko nakoina ao a bwabetitoaki. N te bong teuana, e roko Iesu bwa e na bwabetitoaki.

Mataio 3:5, 13

E ataia Ioane bwa Iesu e ongotaeka n tainako iroun te Atua. E aki kainnanoia bwa e na raira nanona. Ioane e iangoia bwa e aki riai ni bwabetitoa Iesu. E iangoia Ioane bwa e riai ni bwabetitoaki iroun Iesu!

Mataio 3:14

E taku Iesu bwa E riai naba ngaia ni bwabetitoaki. E tangiria n ongeaba nakon ana tua ni kabane Tamana. E tangiria naba ni katea te banna ni katooto ibukira. Ioane e bwabetitoia.

Mataio 3:13–15; 2 Nibwaai 31:5–7

Imwiina ngke e otirake man te ran Iesu, te Tamnei ae Raoiroi e ruo nako Aona kaanga ai aron te taobe. Tamara are i Karawa e taetae mai karawa, ni kangai, “Natiu ae Tangiraki Teuaei.” Tamara are i Karawa e rang ni kukurei iroun Iesu.

Mataio 3:16–17