Mataio 5:1-16

E Rin Iesu i Ierutarem

A butimwaea aia Tia Kamaiu aomata

E a bon uakaan tain te Riao, te bong ae kakawaki irouia Iutaia. A mwaiti aomata ake a nako Ierutarem ibukin kaean te Riao. A nako naba Iesu ma Ana reirei. Ao ngke a ongo aomata ae e na roko Iesu, ao a nako bwa a na kaitibo ma Ngaia.

Mataio 21:1; Ioane 12:12–13

Ngke a uakaan ma Ierutarem Iesu ao Ana reirei, ao E a tuangiia bwa a na uota te aati Nakoina. Inanon ririki aika nako, ao e taekinna te burabeti bwa e na roko te Tia Kamaiu ma te nanorinano, iaon te aati.

Mataio 21:1–7; taraa naba Tekaria 9:9

E rin Iesu n te kaawa iaon te aati. A rangi ni kukurei. aomata n Nooria. A Butimwaeia n aron te uea. A taakin mwaangan bwaam ao aia kunnikai iaon tano bwa e na nakonako iaona te aati. A kaaitau nakon te Atua ao takarua, “Otana: E kakabwaiaaki Uean Iteraera ae nako mai n aran te Uea.”

Mataio 21:8–9; Ruka 19:36–38; Ioane 12:13

A mwaiti aomata I Ierutarem ake a miimi n te bwai are riki. “Antai aei?”a titiraki. A kaeka tabeman ao a taku bwa bon Iesu are te I Natareta.

Mataio 21:10–11

Imwiina, ao e nako Iesu nakon te tembora. Iai aomata ake a tabe n kabowai ao a kabonakoi maan ake a na anga bwa aia karea. Ao E Ataia Iesu ae taan babakanikawai.

Mataio 21:12

E aki kukurei Iesu ngkai a kareke mwane mai irouia aomata ake a kan nako n nebonebo n te tembora. E kakionakoia man te tembora ao e karangai nako aia taibora. E taku, “E na atongaki Au auti bwa te auti n taromauri; ma kam karaoia bwa nneia taan kimoa ni karabaiia.”

Mataio 21:12–13; taraa naba Itaia 56:7; Ieremia 7:11

A roko nakon Iesu aomata aika tenaan mataki ao ake a kabi n nakonako, ao E katoki aorakiia. A takarua ataei “Otanna,“ n neboa Iesu ao n taekinna bwa bon Ngaia te Tia Kamaiu.

Mataio 21:14–15

A un tabeman Ibonga ao taan koroboki ngke a noora te bwai ae karaoia Iesu ao n ongo te bwai are a taekinna ataei. Ao e kauringiia Iesu taekan te koroboki are taekinaki bwa E na Neboaki irouia Ataei n te aro ae nako raoi.

Mataio 21:15–16; taraa naba Taian Aneru 8:2