Ruka 7:1–10

Iesu e Kamaiua ana Toro Mataniwiin ae Tebubua

Mataniwiin are Tebubua e kaota korakoran ana onimaki

Mataniwiin ae tebubua e maeka i Kaberenaum, te kaawa are e aki toki n angareirei iai Iesu. Ngaia mataniwiin te taanga n tautia ae bubura.

Ruka 7:1–2

Mataniwiin ae tebubua aei iai ana toro ae rangi n onoti irouna. Te toro e a rangi n aoraki ao e nang mate.

Ruka 7:2

E ngae ngke tiaki te Iutaia mataniwiin ae tebubua, e a tia n ongo taekan Iesu. E kakoaua bwa Iesu iai mwaakana ni karaoi kakai aika a korakora. E kanakoia tabeman mataniwiia Iutaia bwa a na tuanga Iesu bwa e na roko ni katoka aorakin ana toro.

Ruka 7:3–4

Mataniwi a tuanga Iesu taekan ana toro mataniwiin ae tebubua. A taku bwa mataniwiin ae tebubua aei e akoi nakoia Iutaia. E waaki Iesu n nakonako ni kaineta ana auti matanwiin ae tebubua. Ma imwain ae e roko ikekei, tabeman raoraon mataniwin ae tebubua a katea Iesu. A tuangnga bwa e na aki rin n ana auti.

Ruka 7:4–6

Raoraona a taku bwa mataniwiin ae tebubua e namakinna ae e aki tau ni butimwaea Iesu nakon ana auti. E kakoaua bwa Iesu e kona ni katoka aorakin ana toro e ngae ngke e raroa nako!

Ruka 7:6–8

E miimi Iesu n ana onimaki mataniwiin ae tebubua. E taku bwa E tuai man noora te onimaki ae korakora ae aron anne.

Ruka 7:9

Ngke a oki raoraon mataniwiin ae tebubua nakon ana auti, e a rangi ni marurung te toro. E a tia ni katoka aorakina Iesu, n ai aron are e kakoaua mataniwiin ae tebubua bwa e kona.

Ruka 7:10