Ruka 19:1–10

Takaio te Tia Rikoa te Taekiti

E tamwarakea te aroka bwa e kan noora Iesu

E nako Iesu nakon te kaawa ae Ieriko. E maeka ikekei te mmwaane ae arana Takaio. Takaio bon te tia rikoa te taekiti ae kaubwai Aomata a riribaia taan rikoa te taekiti. A taku bwa taan rikoa te taekiti a taua te mwane ae mwaiti mairouia aomata.

Ruka 19:1–2

E ongo Takaio ae e mena Iesu n te kaawa. E kan reiakina riki rongorongon Arona. E kataia n nako n noora Iesu, ma e aki kona ibukina bwa a rangi ni mwaiit aomata irarikina, ao Takaio bon te aomata ae katuauarereke are e na kona n nooria. E na kanga n noora Iesu?

Ruka 19:3–4

E kawaekoa ni biri Takaio ao n tamwarakea te aroka bwa e aonga n noora Iesu. Ngke e roko Iesu, E tararake ao n noora Takaio i aon te aroka. E wetea arana Iesu ao e taku, “Bareiko ruo.” E tangiria Iesu bwa e na kawaria n ana auti. E kawaekoa n ruo Takaio man te aroka. E rangi ni kukurei ngkai e roko Iesu ni kawaria n ana auti.

Ruka 19:4–6

A miimi aomata aika kaain Ieriko bwa bukin tera ngkai e nako Iesu nakon ana auti Takaio. A taku bwa Takaio bon te tia bure ibukina ngkai ngaia te tia rikoa te taekiti.

Ruka 19:7

E taku Takaio nakon Iesu, “I angania akana aki kaubwai iteran au bwai nako ngkai.” E taku bwa ngkana e taua te mwane ae rangi ni mwaiti mairouia aomata, e a manga kaoka ae mwaiti riki nakoia. E taku Iesu nakon Takaio, “E a roko te maiu n te auti aei n te bong aei.” E taku Iesu bwa E roko ni ukoukoria ao ni kamaiuia aomata ake a bua.

Ruka 19:6, 8–10