Ioane 10:1–18

Iesu Kristo bon te Tia Kawakin Tiibu ae Raoiroi

“A ongo bwanaau au tibu, ao I kinaiia”

Iesu e tuangiia aomata i Ierutarem bwa Ngaia ai aron te tia kawakin tiibu ae raoroi. Ana reirei, ke taan iriiria, ai aroia Ana tiibu. Te Tia Kawakin tiibu ae raoiroi e tangiriia ana tiibu E atai araia ana tiibu n tatabemaniia nako.

Ioane 10:3, 14; taraa naba Ereman 15:13

Tiibu a kina bwanaan aia tia kawakin tiibu ae raoiroi. Ngkana e weteia, a ongo ao a ongeaba.

Ioane 10:4, 27

Te tia kawakin tiibu e tararuiia ana tiibu. E kairiia nakon uteute aika mawawa, n ai aron Iesu Kristo ngke e kairiira nakon te maiu are akea tokina.

Ioane 10:9–10, 28

Ngkana iai riki te aomata ae kabooaki bwa e na tararuaia tiibu, a aki iriiria, ibukina bwa aki kinaa bwanaana. Ngkana e roko te kangaanga, te aomata are e kabooaki e birinako. E aki tabeakiniia tiibu n ai aron tabeakinaia iroun te tia kawakin tiibu ae raoiroi.

Ioane 10:5, 12–13

Te tia kawakin tiibu ae raoiroi e aki birinako ngkana iai te kangaanga. E tiku ni kataniia Ana tiibu. E tauraoi n anga maiuna ibukiia, n ai aron Iesu Kristo ngke e anga maiuna ibukira bwa ti aonga ni karekea te maiu ae akea tokina.

Ioane 10:11, 17–18

Iesu e tuangiia aomata i Ierutarem bwa iai naba ana tiibu tabeman ake a maeka n tabo tabeua. E taku Iesu bwa e na kawariia naba, ao a na ongo n Ana reirei. Ana Boki Moomon e taekina taekan Iesu ngke e kawariia Ana tiibu ake tabeman i Amerika.

Ioane 10:16; 3 Nibwaai 15:11-24