Timon ao Mwaakan te Atua

Reiakinan taekan ana nakoanibonga te Atua

E matakuakina te Abotoro Timon are e kamaiua te mwaane.

E maeka te mwaane ae Timon i Tamaria. Ngke e ongo taekan ana euangkerio Iesu Kristo, ao e kakoauaa. E miimi nanona n taian kakai ake a karaoia ana reirei Iesu ma mwaakan te Atua. E bwabetitoaki Timon, ao mwaane ao aine i Tamaria aika a bati.

Makuri 8:5–13

A katoka baiia Betero ao Ioane i aon atuun te mwaane.

A ongo Abotoro i Ierutarem bwa a bwabetitoaki aomata i Tamaria. Betero ao Ioane a nako Tamaria. Man kabonganaan mwaakan te Atua, te nakoanibonga, a katokai baia i aoia aomata ake a tia ni bwabetitoaki ao n anganiia te bwaintituaraoi ae te Tamnei ae Raoiroi.

Mwakuri 8:14–17

E anga te mwane Timon bwa e na kabooa ana nakoanibonga te Atua.

Ngke e nooria Betero ao Ioane ni karaoa aio Timon, e anganiia te mwane ao e taku, “Anganai naba te mwaaka aei.” E tangiria n kabooa ana nakoanibonga te Atua bwa e aonga n anga naba te bwaintituaraoi ae te Tamnei ae Raoiroi.

Makuri 8:18–19

Betero e reireia Timon taekan te nakoanibonga.

E kabwarabwara Betero bwa akea temanna ae kona ni kabooa mwaakan te Atua. Bon te bwaintangira mairoun te Atua. E tuanga Timon Betero bwa e riai ni bita nanona. E kaoa Timon bwa e na raira nanona ao n tataro nakon te Atua ibukin kabwaran ana bure.

Makuri 8:20–23

E tuatua Timon nakon Betero kabwaraan ana bure.

E tangira kabwaraan ana bure. E tuanga Betero bwa e na tataro ibukina ao ni buokia ni bitaki.

Makuri 8:24