2 I-Korinto 12:7–10

Iesu E Kona ni Karaoi Bwaai Aika Mamaara bwa Ana Korakora

Ana reirei Bauro man te “kateketeke”

Te Abotoro Bauro bon ana toro Iesu Kristo. E karekei kaotioti aika a bati ao e reireiniia aomata taekan te Tia Kamaiu. Ma e mwaiti naba ana kangaanga Bauro.

2 I-Korinto 12:7

Inanon te reta nakoia kaain te Ekaretia, E kabotaua ana kangaanga Bauro nakon te kateketeke are nim ma kunna. E karika te namakin ae rangi ni mamaara nakon Bauro.

2 I-Korinto 12:7

Teniua te tai, e tataro Bauro ao e butiia te Uea bwa e na kanakoi ana kangaanga. Ma e aki kanakoi te Uea.

2 I-Korinto 12:8–9

N onean mwiina, e tuanga Bauro te Uea bwa iai korakorana ae tau ni kakorakora Bauro. E a ataia Bauro bwa n tabetai te kangaanga e kona n riki bwa te bwai ae raoiroi ngkana ti rairaki nakon te Uea ao ni bubutia ibukin te ibuobuoki. Ngkana ti namakina te mamaara, Iesu Kristo e kona ni kakorakoraira riki ngkana e aki toki ara kangaanga.

2 I-Korinto 12:9–10