Chʼol 17

Eb’ li xb’een obiisp sa’ li Iglees

Febrero ut diciembre re 1831

baptism

Joseph packing

Ke’wan sa’ Nueva York li yookeb’ chixrahob’tesinkileb’ laj Santil Paab’anel ut ke’raj nat te’elq chaq aran. Li Jesus kixye re laj Jose naq chi’elq chaq Nueva York ut chixik Kirtland, Ohio.

Joseph going to Kirtland

Laj Jose ut li xEmma, laj Sidney Rigdon, ut laj Edward Partridge xkoheb’ Kirtland. Laj Jose ut li xEmma ke’k’ule’ sa’ rochoch jun li komon sa’ li Iglees, laj Newel K. Whitney xk’ab’a’.

members of the Church

Ke’wan tana’ 1,000 chi komon sa’ li Iglees sa’ Kirtland. Yookeb’ chixk’eeb’aleb’ xch’ool chixpaab’ankil li Dios, a’b’an ink’a’ ke’xtaw ru chixjunil chirix li evangelio.

Tzolʼlebʼ ut Sumwank 41, xtiklajik li tasal

Edward Partridge

Laj Jose kitijok ut kixk’ul jun k’utb’esinb’il na’leb’. Li Jesus kixye re naq na’ajman ru jun obiisp choq’ reheb’ laj Santil Paab’anel sa’ Kirtland. Li obiisp tento taaroksi lix hoonal chixtzolb’aleb’ ut chixtenq’ankileb’ laj Santil Paab’anel. Li xb’een obiisp re li Iglees, a’anaq laj Edward Partridge.

Tzolʼlebʼ ut Sumwank 41:9

Newell K. Whitney

Naq yoo chi k’ihank rajlankileb’ li komon sa’ li Iglees, ke’ajman ru xkomon chik li obiisp. Laj Newel K. Whitney kib’oqe’ choq’ li xkab’ obiisp re li Iglees.

Tzolʼlebʼ ut Sumwank 72:7–8

Saints at bishop’s storehouse

Li Jesus kixye re laj Jose naq li obiisp tento tixk’uula jun li k’uuleb’aal kab’l. Eb’ laj Santil Paab’anel tento te’xk’e li tzakemq, li aq’ej, ut jalan chik li mayej re li obiisp re xk’uulankil sa’ li k’uuleb’aal kab’l. Chirix a’an li obiisp taaroksiheb’ li k’a’aq re ru a’in re xtenq’ankileb’ laj Santil Paab’anel li neb’a’eb’ malaj li maak’a’ wankeb’ re.

Tzolʼlebʼ ut Sumwank 72:10–12

man counting money

Li Jesus kixye ajwi’ naq li obiisp tento tixk’ul li tumin q’axtesinb’il re li Iglees xb’aaneb’ laj Santil Paab’anel. Li obiisp taaroksi li tumin a’in re xtojb’al lix k’as li Iglees ut re xtenq’ankileb’ li neb’a’.

Tzolʼlebʼ ut Sumwank 72:10–12

bishop meeting with his members

Li obiisp tento tixraheb’ laj Santil Paab’anel ut tixyal xq’e chixtenq’ankileb’. Tento tixch’utub’ rib’ rik’ineb’ li winq sa’ li tijonelil re aatinak chirix li k’a’ru yookeb’ re xtenq’ankileb’ laj Santil Paab’anel.

Tzolʼlebʼ ut Sumwank 72:5, 11

bishop preaching to his members

Jun li obiisp naxjolomiheb’ laj Santil Paab’anel sa’ li junjunq chi teep re li Iglees. Jun li awa’b’ej re li uq’ej a’an chanchan jun li obiisp. Jun awa’b’ej re li uq’ej naxjolomiheb’ laj Santil Paab’anel sa’eb’ li uq’ej re li Iglees.

bishops in the Church

Anajwan, wankeb’ k’iila mil li obiisp sa’ li Iglees.