Xtikib’ankil

Rub’elaj li Tzol’leb’ ut Sumwank

young Joseph kneeling

Heavenly Father teaching

Koowan rik’in li qaChoxahil Yuwa’ naq maji’ nokochal sa’ ruchich’och’. Maak’a’ li qajunxaqalil tib’ ut b’aq okenaq chaq. Musiq’ejo chaq. Li qaChoxahil Yuwa’ kixk’uub’ jun li na’leb’ choq’ qe re taqak’ul li qajunxaqalil ut too’ok jo’ chanchan a’an. A’an a’in li k’uub’anb’il na’leb’ re li kolb’a-ib’ nayeeman re. Li k’uub’anb’il na’leb’ a’in kixteneb’ sa’ qab’een li elk chaq rik’in li qaChoxahil Yuwa’ chiru jarub’aq kutan ut li chalk sa’ ruchich’och’. Wi naqataaqe li k’uub’anb’il na’leb’, toosutq’iiq rik’in li Dios.

Jesus and other spirits

Li Jesus kiwan qik’in sa’ choxa. A’an kiraj xtaaqenkil lix k’uub’anb’il na’leb’ li qaChoxahil Yuwa’. Li Jesus kixye naq taachalq sa’ ruchich’och’ re naq tooruuq chi sutq’iik sa’ choxa.

Heavenly Father and Satan

Laj Satanas kiwan ajwi’ qik’in sa’ choxa. Ink’a’ kixtaaqe lix k’uub’anb’il na’leb’ li qaChoxahil Yuwa’, jo’kan naq li qaChoxahil Yuwa’ kirisi chaq. Laj Satanas naraj xsachb’al li k’uub’anb’il na’leb’ re li kolb’a-ib’.

prophet of old teaching

Li Jesus kixyo’ob’tesi li ruchich’och’ choq’ jun na’ajej te’chalq wi’ li ralal xk’ajol li qaChoxahil Yuwa’. Li Jesus kixtaqlaheb’ li profeet re xk’utb’al chiqu chanru toowanq chi tiikaq ru qach’ool.

people mocking the prophet

Wankeb’ li ke’ab’in chiruheb’ li profeet. Wankeb’ jalaneb’ chik li ke’ab’in chiru laj Satanas ut ke’ok choq’ aj maak.

Old Testament prophet seeing vision of Jesus

Li Najter Chaq’rab’ naxye resil li jar tenamit ke’wan xyu’ameb’ rub’elaj lix yo’lajik li Jesus. Eb’ li profeet ke’xk’ut chiruheb’ li tenamit a’in naq li Jesus taachalq sa’ ruchich’och’ re naq te’ruuq te’ch’aje’q chirix li maak ut te’ruuq te’numtaaq sa’ xb’een li kamk.

Book of Mormon prophet seeing vision of Christ

Lix Hu laj Mormon naxye resil jalaneb’ chik li ke’wan xyu’ameb’ junxil. Li tenamit a’in ke’el chaq Jerusalen ut ke’wulak America. Eb’ li profeet ke’xtzoleb’ ajwi’ li tenamit chirix li Jesus. A’an kirula’aniheb’ chirix naq waklijenaq chi yo’yo.

Jesus teaching two women

Li Ak’ Chaq’rab’ naxye resil lix yu’am li Jesus sa’ xb’een li ruchich’och’. Naxye resil lix yo’lajik, lix k’utum, ut lix kamik ut lix waklijik chi yo’yo. Li Jesus kixk’ut lix evangelio chiruheb’ li tenamit. Kixk’ut chiruheb’ naq te’ab’inq chiru xchaq’rab’ li qaChoxahil Yuwa’.

Jesus ordaining Apostles

Li Jesus kixsik’ ru kab’laju chi winq choq’ apostol ut kixk’e li tijonelil reheb’. Kixtikib’ lix Iglees. Naab’aleb’ ke’xra li Jesus. Tiikeb’ chaq xch’ool ut ke’xpaab’eb’ lix k’utum.

Jesus nailed to cross

Laj Satanas ink’a’ kiraj naq li winq ut ixq te’xtaaqe li Jesus. Kiraaleheb’ re naq xik’ te’ril li Jesus, ut junjunq reheb’ ke’xk’e chiru krus chi klawx ut ke’xkamsi.

Jesus and Apostles

Oxib’ kutan chirix xkamik li Jesus, kiwakli chi yo’yo. Yo’yo wi’chik! Ki’aatinak rik’ineb’ lix apostol ut kixye reheb’ naq te’xjultika li evangelio chiruheb’ chixjunil. Li Jesus kirula’aniheb’ ajwi’ li tiikeb’ xch’ool li wankeb’ sa’ America. Toja’ naq xko’o sa’ choxa re taawanq rik’in lix Yuwa’.

Apostle teaching

Eb’ li apostol ke’xjolomi lix Iglees li Jesukristo. Xkoheb’ sa’ naab’al li ch’och’ ut ke’xtzoleb’ li tenamit chirix li Jesus. Naab’aleb’ ke’xpaab’ a’an ut ke’kub’e xha’. Eb’ li apostol ke’xk’e li tijonelil reheb’ li winq tiikeb’ xch’ool. Naab’aleb’ li komon sa’ li Iglees.

evil people stoning prophet

Laj Satanas kiraj xsachb’al li Iglees. Kiraaleheb’ li tenamit re naq ink’a’ chik te’xpaab’ li Jesus. Ke’kamsiik eb’ li apostol ut naab’al chik li komon sa’ li Iglees. Sa’ junpaat, maak’a’ chik laj jolominel re xb’eresinkil li Iglees. Li qaChoxahil Yuwa’ kirisi li tijonelil sa’ li ruchich’och’.

priest baptizing infant

Maak’a’ chik li Iglees kitiqib’aak xb’aan li Jesus. Wankeb’ li ke’ok chixwaklesinkil jalaneb’ chik li iglees. Ke’xjal naab’al reheb’ lix k’utum li Jesus. Ke’xjal ajwi’ junjunq reheb’ li chaq’rab’.

three leaders of different religions

Kinume’ k’iila cient chihab’. Naab’aleb’ li jar iglees ke’wan sa’ ruchich’och, a’b’an maajun reheb’ a’an lix tz’aqal Iglees li Jesukristo. Li komon sa’eb’ li jar iglees a’in ke’xpaab’ li Jesus, a’b’anan maak’a’ li tz’aqal evangelio rik’ineb’. Maak’a’ lix wankilal li tijonelil. Maak’a’eb’ li profeet chi moko eb’ li apostol rik’ineb’.

young boy being baptized

Li Jesus kixye naq taachalq wi’chik sa’ ruchich’och’. A’ut, xb’een wa tento taak’ojob’aaq wi’chik lix Iglees. Tento ajwi’ taak’ojob’aaq wi’chik li tijonelil. Eb’ li osob’tesink a’in ke’k’ojob’aak wi’chik rik’in li Profeet aj Jose Smith.

Prophet Joseph writing

Li qaChoxahil Yuwa’ naxb’oqeb’ wi’chik li profeet ut li apostol re xjolominkil li Iglees sa’ li qakutan. Li Jesus naxk’e li k’utb’esinb’il na’leb’ reheb’ li profeet ut li apostol re te’xye qe li k’a’ru naraj naq taqanaw ut taqab’aanu.

mother reading to family

Li Tzol’leb’ ut Sumwank, a’an jun tasb’il hu re li k’utb’esinb’il na’leb’ li neke’chal rik’in li Jesus. Lix k’ihaleb’ reheb’ ke’k’ehe’ chaq re li Profeet aj Jose Smith. Sa’eb’ li k’utb’esinb’il na’leb’ a’in, li Jesus naxk’e xb’eresinkil lix Iglees ut naxk’ut li tzol’leb’ chirix lix evangelio.

cover of this book

Li tasb’il hu yookat chirilb’al naxye resil junjunqeb’ li k’utb’esinb’il na’leb’ sa’ li Tzol’leb’ ut Sumwank. Naxye ajwi’ resil junjunqeb’ li esilal chirix li k’ojob’ank wi’chik ut li esilal sa’ xtiklajik lix Iglees li Jesukristo sa’ roso’jikeb’ li kutan.