Chʼol 53

Li ch’a’ajkilal sa’ Nauvoo

Mayo–agosto re 1842

Nauvoo Temple

men building in Nauvoo

K’iila mil laj Santil Paab’anel ke’q’axon Nauvoo. Ke’xyiib’ jun chaq’al ru tenamit ut ke’ok chixyiib’ankil jun li santil ochoch.

John C. Bennett

Eb’ laj Santil Paab’anel ke’xsik’ ru laj John C. Bennett choq’ awa’b’ej re Nauvoo. Sa’ xtiklajik chaab’il xna’leb’ jo’ awa’b’ej, a’b’anan ki’ok chixb’aanunkil li ink’a’ us ut kixtz’eqtaana laj Jose Smith.

people meeting together

Eb’ li wankeb’ sa’ Nauvoo ke’raj jun kutan re ninq’ehink, sa’ wi’ eb’ laj pleet sa’ li Teep aj Pleet re Nauvoo te’b’eeq sa’ jun li desfile.

John C. Bennett speaking to soldiers

Laj John Bennett kixk’ulub’a xch’ool naq eb’ laj pleet te’okenq sa’ jun pak’b’il pleetik. A’an naraj naxye naq moko yaal ta li pleetik a’an.

John C. Bennett speaking to Joseph

Li Qawa’ Bennett kixpatz’ re laj Jose Smith naq tixjolomi jun reheb’ li teep aj pleet sa’ li pleetik, a’b’an laj Jose ink’a’ kiraj xb’aanunkil. Li Santil Musiq’ej xyehom re laj Jose naq k’uub’anb’il sa’ xch’ool laj John Bennett naq tixkamsi sa’ li pleetik. Kijosq’o’ laj John Bennett.

Joseph becoming new mayor

Rik’in naq laj John Bennett kixtz’eqtaana li Profeet ut kixb’aanu xkomon chik li maa’usilal, ki’isiman sa’ li Iglees, jo’kan ajwi’ sa’ xk’anjel choq’ awa’b’ej re Nauvoo. Laj Jose Smith ki’ok choq’ li ak’ awa’b’ej.

John C. Bennett angry

Ki’ok xk’ahil li raam laj John Bennett. Ki’el chaq Nauvoo ut ki’ok chixyeeb’al ut chixtz’iib’ankil li ink’a’ us chirix laj Jose Smith ut chirix li Iglees. Kixsik’eb’ jalaneb’ re xjunajinkil rib’ rik’in.

Joseph envisioning the Saints in Rocky Mountains

Laj Jose Smith kixye re junjunq reheb’ li winq sa’ li Iglees naq eb’ laj Santil Paab’anel te’xk’ul xkomon li ch’a’ajkilal. Junaq kutan teneb’anb’ilaqeb’ chi elk chaq Nauvoo. Laj Jose kiril chi rub’elaj naq te’xik sa’ eb’ li Tzuul Rocky ut aran te’xyiib’eb’ li tenamit. Te’ab’inq chiru li Dios ut te’ok choq’ jun tenamit kaw xmetz’ew.