Chʼol 15

Jun taqlanb’il k’anjel rik’ineb’ laj Lamanita

Septiembre re 1830

baptism

Oliver Cowdery

Li Jesus kiraj naq naab’al chik li kristiaan te’rab’i resil li evangelio. Kiraj naq junjunq reheb’ laj Santil Paab’anel te’xik sa’ taqlanb’il k’anjel. A’an kixb’oq laj Oliver Cowdery chi xik sa’ taqlanb’il k’anjel sa’ xyanqeb’ laj ral ch’och’ re America. Laj Lamanita kiyeeman ajwi’ reheb’ laj ral ch’och’ a’in xb’aan naq junjunq reheb’, a’aneb’ li riyajileb’ laj Lamanita sa’ lix Hu laj Mormon.

Tzolʼlebʼ ut Sumwank 28:8

Jesus speaking to Nephite

Li Jesus kiraj naq eb’ laj Lamanita te’ril ru lix Hu laj Mormon. A’an kixyeechi’i chaq reheb’ naab’al li profeet naq eb’ laj Lamanita te’xk’ul lix Hu laj Mormon. Wulajenaq xq’ehil naq taatz’aqloq ru li yeechi’ihom a’in.

Tzolʼlebʼ ut Sumwank 3:19–20

Jesus speaking to Lamanites

Lix Hu laj Mormon naxye reheb’ laj Lamanita resileb’ lix xe’ xtoon li ke’wan k’iila cient chihab’ rub’elajeb’. Naxye reheb’ resileb’ li xninqal ru xyeechi’ihom li Jesukristo choq’ reheb’. Naxtenq’aheb’ chixpaab’ankil li Jesus. Naxk’ut chiruheb’ naq te’xjal xk’a’uxl ut te’kub’eeq xha’.

Tzolʼlebʼ ut Sumwank 3:19–20

men of the Church

Jalaneb’ chik ke’raj xik rochb’een laj Oliver Cowdery re xjultikankil li evangelio chiruheb’ laj Lamanita. Li Qaawa’ kixye naq oxib’ reheb’ te’ruuq chi xik.

missionaries teaching Native Americans

Xb’een, eb’ laj k’amol aatin xkoheb’ sa’ xyanqeb’ laj ral ch’och’ sa’ Nueva York. Eb’ laj k’amol aatin ke’xk’e lix Hu laj Mormon reheb’, a’b’an ka’ajwi’ junjunq reheb’ ke’xnaw ilok ru hu.

missionaries greeting Native Americans

Chirix a’an eb’ laj k’amol aatin xkoheb’ chi jultikank aatin chiruheb’ laj Lamanita sa’ Ohio. Eb’ a’an saheb’ xch’ool chirab’inkil resil lix Hu laj Mormon ut chixtzolb’al chirixeb’ lix xe’ xtoon.

missionaries leaving on horseback

Eb’ laj k’amol aatin ke’el chaq Ohio ut xko’o sa’ jun li k’aleb’aal, Independence xk’ab’a’, sa’ xweent li Condado Jackson, Missouri.

Native Americans reading from Book of Mormon

Naab’aleb’ laj Laminta ke’wan sa’ xweent Missouri. Eb’ laj k’amol aatin ke’xjultika li evangelio chiruheb’ ut ke’xk’e reheb’ lix Hu laj Mormon. Ke’saho’ sa’ xch’ool ut ke’xb’antioxi reheb’ laj k’amol aatin.

people telling missionaries to stay away

Ke’wan jalaneb’ sa’ Missouri li ink’a’ ke’xpaab’ li evangelio k’ojob’anb’il wi’chik chi moko lix Hu laj Mormon. Ke’xye reheb’ laj k’amol aatin naq ink’a’ chik te’xik sa’ xyanqeb’ laj ral ch’och’.

missionaries leaving Missouri

Eb’ a’an ke’xye naq eb’ laj pleet te’ralinasiheb’ laj k’amol aatin wi ink’a’ te’elq chaq aran. Chi ra sa’ xch’ooleb’, xkoheb’ laj k’amol aatin re xtzolb’al jalaneb’ chik sa’ Missouri.

Parley P. Pratt speaking to Joseph

Jun reheb’ laj k’amol aatin a’an laj Parley P. Pratt xk’ab’a’. Xko’o Ohio re xyeeb’al re laj Jose Smith li k’a’ru xb’aanuhomeb’ chaq. Laj Parley kixye naq chaab’il lix taqlanb’il k’anjel ut naq ke’xk’ut chaq li evangelio chiru naab’aleb’.