Chʼol 28

Li Profeet aj Jose naxik Missouri wi’chik

Marzo–mayo re 1832

wagon

Joseph hearing the Lord’s voice

Laj Jose Smith kixk’ul jun k’utb’esinb’il na’leb’ sa’ wi’ li Jesus kixye naq eb’ laj Santil Paab’anel chanchaneb’ lix kok’al. Toj yookeb’ chi tzolok. Li Jesus kixye naq che’saho’q sa’ xch’ool ut che’b’antioxinq. A’anaq aj jolominel reheb’.

Tzolʼlebʼ ut Sumwank 78:17–18

Saints building a house

Li Jesus kixye naq kiraj naq eb’ laj Santil Paab’anel te’xch’olaniheb’ li neb’a’. Kiraj naq te’wotzoq li jun rik’in li jun chik ut naq te’xtenq’a rib’ chirib’ileb’ rib’.

Tzolʼlebʼ ut Sumwank 78:3–6

Joseph greeting Missouri Saints

Moko najt ta chik chirix naq laj Jose Smith kixk’ul li k’utb’esinb’il na’leb’ a’in, a’an rochb’een junjunqeb’ li ramiiw xkoheb’ wi’chik Missouri. Eb’ laj Santil Paab’anel sa’ Missouri ke’saho’ sa’ xch’ooleb’ chirilb’al.

Joseph meeting with Saints

Laj Jose kixpatz’ reheb’ laj Santil Paab’anel naq te’wulaq sa’ jun ch’utam re naq taaruuq tixye reheb’ resil li k’utb’esinb’il na’leb’.

Jesus speaking to Joseph

Chirix xraqik li ch’utam, li Qaawa’ kixk’e jun chik li k’utb’esinb’il na’leb’ re laj Jose. Sa xch’ool li Jesus rik’in naq eb’ laj Santil Paab’en ke’xkuy xmaak chirib’ileb’ rib’. Xb’aan naq ke’xb’aanu chi jo’kan, kixye naq a’an tixkuyeb’ xmaak.

Tzolʼlebʼ ut Sumwank 82:1

Saints harvesting fields

Sa’ li k’utb’esinb’il na’leb’ a’in li Jesus kixk’e ajwi’ jun ak’ chaq’rab’ reheb’ laj Santil Paab’anel. A’an kixye naq kixk’e reheb’ li ch’och’ re Sion, ut naq tento te’xwotz li ch’och’ chirib’il rib’. Chixjunileb’ tento taawanq li ajb’il reheb’. Li Qaawa’ kixpatz’ ajwi’ naq eb’ laj Santil Paab’anel te’xchaab’ilob’resieb’ lix maatan ut te’roksiheb’ choq’ re xchaab’ilal li Iglees.

Tzolʼlebʼ ut Sumwank 82:17–20

Joseph visiting Saints

Chirix xraqik li ch’utam, laj Jose kirula’aniheb’ laj Santil Paab’anel sa’ naab’aleb’ li k’aleb’aal. Sa xch’ool chiruheb’ li kutan a’in. A’an kixraheb’ laj Santil Paab’anel.

Joseph receiving revelation

Sa’ jalan chik li k’utb’esinb’il na’leb’ li kik’ule’ xb’aan laj Jose naq wan chaq Missouri, li Qaawa’ kixye naq eb’ li b’eelomej tento te’rileb’ li rixaqil. Eb’ li na’b’ej yuwa’b’ej tento te’rileb’ li ralal xk’ajol.

Tzolʼlebʼ ut Sumwank 83:2, 4

Saints visiting widow

Li Qaawa’ kixye ajwi’ naq eb’ laj Santil Paab’anel tento te’rileb’ li ixq li maak’a’eb’ xb’eelom. Eb’ laj Santil Paab’anel tento ajwi’ te’rileb’ li kok’al li maak’a’eb’ xna’ xyuwa’.

Tzolʼlebʼ ut Sumwank 83:6

Saints at Bishop’s storehouse

Li Jesus kixye naq eb’ laj Santil Paab’anel tento te’xk’e li tzakemq ut jalan chik li k’a’aq re ru re li obiisp re tixk’e sa’ jun li k’uuleb’aal kab’l. Kixye naq li obiisp tento taaroksi li k’a’ru wan sa’ li k’uuleb’aal kab’l re xtenq’ankileb’ li neb’a’.

Tzolʼlebʼ ut Sumwank 83:6

Joseph and Bishop Whitney traveling

Chirix naq laj Jose Smith kixchoy xk’anjel sa’ Missouri, a’an rochb’een li Obiisp Whitney ke’xchap xb’e toj Kirtland. Xkoheb’ sa’ b’eleb’aal.

horses getting scared

Sa’ jun kutan ke’xeb’esiik li kawaay ut jo’kan ke’ok chi aanilak.

Bishop Whitney lying on ground

Laj Jose kipisk’ok chirix li b’eleb’aal, a’b’an ink’a kitoche’. Li Obiisp Whitney kipisk’ok chirix li b’eleb’aal ut kitoche’ li roq.

Bishop Whitney lying in bed

Laj Jose Smith ut li Obiisp Whitney ke’kana sa’ jun ochochnal. Li Obiisp Whitney kihilan chiru kaahib’ xamaan. Laj Jose kikana rochb’een toj reetal naq kik’ira li roq.

Joseph lying in bed

Naq wankeb’ sa’ li ochochnal, kik’eeman li b’an li nakamsin sa’ xtzakemq laj Jose. Q’axal kiyajer.

Bishop Whitney giving Joseph a blessing

Laj Jose kixpatz’ re li Obiisp Whitney naq tixk’e re jun li osob’tesink. Li Obiisp Whitney kiroksi lix wankil li tijonelil re rosob’tesinkil laj Jose, ut a’an kik’ira.

Bishop Whitney and Joseph praying

Laj Jose kixb’antioxi re li Dios naq kixk’irtesi. Naq laj Jose ut li Obiisp Whitney ak k’irtesinb’ileb’ chi us choq’ re li b’eek, xkoheb’ sa’ rochoch rik’in xjunkab’aleb’.