«Ալման և Կորիհորը», Մորմոնի Գրքի պատմություններ (2023)
Ալման և Կորիհորը
Հավատք, որ Աստված իրական է
Կորիհոր անունով մի մարդ եկավ Զարահեմլա։ Նա ասաց մարդկանց, որ Աստված և Հիսուս Քրիստոսը իրական չեն։
Կորիհորն ասաց, որ մարդիկ կարող են ինչ-որ բան իմանալ միայն այն դեպքում, եթե տեսնեն։ Նա ծաղրում էր մարդկանց, որոնք հավատում էին Հիսուսին։
Կորիհորն ասաց, որ մարդիկ Աստծո պատվիրանների կարիքը չունեն։ Նա ասաց, որ մարդիկ կարող են անել այն, ինչ ուզում են։ Շատերը հավատացին նրան։ Նրանք որոշեցին վատ բաներ անել։
Կորիհորը փորձեց ուսուցանել Անթի-Նեփի-Լեքիներին, բայց նրանք չհավատացին նրան։ Նրան կապեցին ու ճանապարհ դրեցին։ Փոխարենը նա գնաց Գեդեոնի երկիրը։ Մարդիկ այնտեղ նույնպես կապեցին նրան։ Նրանք ուղարկեցին նրան Ալմայի մոտ։
Կորիհորն ասաց Ալմային, որ Աստված իրական չէր։ Նա ասաց, որ Ալման և մյուս քահանաները ստում էին ժողովրդին։ Կորիհորն ասաց, որ իրենք ստիպում են ժողովրդին հետևել հիմար ավանդույթներին։ Նա նաև ասաց, որ նրանք ժողովրդից փող են վերցնում։ Ալման գիտեր, որ դա ճիշտ չէր։ Նա հավատում էր Աստծուն և Հիսուսին։
Ալման ասաց, որ մարգարեները և ամեն ինչ երկրի վրա օգնում են մարդկանց իմանալ, որ Աստված իրական է։ Կորիհորը ավելի շատ ապացույցներ էր ուզում։ Ալման ասաց, որ ինքը Կորիհորին ապացույց կտա։ Նա ասաց, որ Աստված այնպես կանի, որ Կորիհորը չկարողանա խոսել։ Երբ Ալման ասաց դա, Կորիհորը չկարողացավ խոսել։
Կորիհորը գրում էր, որ գիտեր, որ Աստված իրական է։ Նա միշտ իմացել էր դա։ Նա գրում էր, որ սատանան խաբել է իրեն։ Սատանան հորդորեց Կորիհորին, որ ստեր սովորեցնի Աստծո և Հիսուսի մասին։ Երբ մարդիկ իմացան Կորիհորի մասին ճշմարտությունը, չհավատացին նրա ուսմունքներին։ Նրանք ապաշխարեցին և նորից սկսեցին հետևել Հիսուսին։