«Աբիսը», Մորմոնի Գրքի պատմություններ (2023)
Աբիսը
Օգնում է իր ժողսվրդին հավատալ Հիսուսին
Աբիսը աշխատում էր մի թագուհու մոտ, որը լամանացի էր։ Աբիսը Հիսուս Քրիստոսի մասին իմացել էր իր հոր տեսիլքից։ Երկար տարիներ նա հավատում էր Հիսուսին և ցանկանում էր հետևել Նրան։ Բայց նա այդ մասին դեռ չէր ասել մյուս Լամանացիներին։
Մի օր Ամմոն անունով մի Նեփիացի եկավ թագավորություն՝ Լամանացիներին ուսուցանելու Հիսուսի և Աստծո մասին։ Թագուհին և թագավորը հավատացին Ամմոնի ուսուցանածին։ Թագուհին և թագավորը գիտեին, որ Հիսուսը գալու է երկիր և այնպես է անելու, որ բոլորը, ովքեր կհավատան Նրան, կարող են ներվել։
Ալմա 17․12-13, 18․33-36, 39-40, 19․9, 13
Թագուհին և թագավորը զգացին Սուրբ Հոգին և այնքան ուրախացան, որ ընկան գետնին։ Ամմոնն ու ծառաները նույնպես ընկան։ Աբիսը միակն էր, որ մնացել էր կանգնած։
Աբիսն ուզում էր ժողովրդին պատմել այս հրաշքի մասին։ Նա հույս ուներ, որ մարդիկ կհավատան Աստծո զորությանը, երբ տեսնեն, թե ինչ է տեղի ունեցել։ Ուստի, Աբիսը վազեց տնից տուն։ Նա ասաց ժողովրդին, որ գնան և տեսնեն, թե Աստված ինչ է արել թագուհու և թագավորի համար։
Շատ մարդիկ եկան թագուհու և թագավորի տուն։ Նրանք զարմացան, քանի որ թվում էր, թե թագուհին, թագավորը և նրանց բոլոր ծառաները մահացել են։
Ժողովուրդը շփոթված էր։ Նրանք վիճում էին թագուհու և թագավորի հետ կատարվածի շուրջ։
Երբ Աբիսը վերադարձավ, տեսավ, որ մարդիկ վիճում են։ Նա տխրեց, քանի որ նրանք չէին տեսնում Աստծո զորությունը։ Այնուհետև նա բռնեց թագուհու ձեռքը, և թագուհին վեր կացավ ու փառաբանեց Հիսուսին։
Թագուհին բռնեց ամուսնու ձեռքը, և նա ոտքի կանգնեց։ Թագավորը ժողովրդին պատմեց Հիսուսի մասին։ Այդ ժամանակ Ամմոնն ու մյուս ծառաները ոտքի կանգնեցին։ Նրանք բոլորն ասացին մարդկանց, որ Հիսուսը փոխել է իրենց։ Նրանք այժմ ցանկանում էին միայն լավ բաներ անել։ Շատերը հավատացին նրանց։
Ճիշտ ինչպես Աբիսն էր հուսացել, ժողովուրդը տեսավ Աստծո զորությունը։ Շատերը հավատացին Հիսուսին և մկրտվեցին։ Նրանք իրենց հետ ունեին Աստծո Հոգին։ Նրանք նույնիսկ Եկեղեցին հիմնեցին իրենց երկրում։ Նրանք տեսան, որ Հիսուսն օգնում է բոլորին, ովքեր ապաշխարում և հավատում են Իրեն։