Լիահոնան և կոտրված աղեղը

Փնտրել Տիրոջ օգնությունը

Լեքիի և Իսմայելի ընտանիքները երկար տարիներ ճամփորդեցին անապատում: Տերը նրանց առաջնորդեց երկրի ավելի լավ մասերով: Ճանապարհին նրանք պետք է որս անեին ու սնունդ հավաքեին։ Դա դժվար ճամփորդություն էր։

1 Նեփի 16․14, 17․1, 4

Նկար

Լեքին նայում է արևածագին

Տերը խոստացել էր առաջնորդել այդ ընտանիքներին դեպի լավ երկիր, եթե նրանք պահեին պատվիրանները: Նրանք չգիտեին, թե ինչպես գտնել այդ երկիրը, բայց Նա կառաջնորդեր նրանց:

1 Նեփի 2․20, 10․13, 17․13–14

Նկար

Լեքին պահում է Լիահոնան

Մի առավոտ Լեքին զարմացավ, երբ իր վրանի առջև մի արույրե գնդակ գտավ: Գնդակը կոչվում էր Լիահոնա: Լիահոնայի ներսում սլաքը ցույց էր տալիս այն ճանապարհը, որով պետք է գնար խումբը: Երբեմն նրանք գտնում էին Տիրոջ կողմից գրված ուղերձներ Լիահոնայի վրա: Ահա թե ինչպես էր Տերն առաջնորդում նրանց։

1 Նեփի 16․10, 16, 26–29, Ալմա 37․38

Նկար

Նեփին կոտրված աղեղով, իսկ Լամանն ու Լեմուելը դժգոհում են

Մի օր, երբ Նեփին որս էր անում, նրա պողպատե աղեղը կոտրվեց: Ընտանիքներն առանց դրա չէին կարող սնունդ հայթայթել։ Նեփիի եղբայրները բարկացած էին նրա և Տիրոջ վրա:

1 Նեփի 16.18-21

Նկար

Նեփին կոտրված աղեղը ձեռքին, իսկ Լեքին վրդովված է

Նրանք բոլորը շատ հոգնած էին և քաղցած։ Նրանցից ոմանք տխուր էին ու դժգոհ։ Նրանք վախենում էին, որ կմեռնեն սովից։ Նույնիսկ Լեքին տրտնջաց Տիրոջ դեմ:

1 Նեփի 16․19-22, 35

Նկար

Նեփին մուրճն ու դուրը ձեռքին

Նեփին փայտից նոր աղեղ ու նետ պատրաստեց: Նա հավատում էր, որ Տերը կօգնի իրեն ուտելիք գտնել:

1 Նեփի 16․23

Նկար

Լեքին և Նեփին նայում են Լիահոնային

Նեփին Լեքիին հարցրեց, թե ուր գնալ որսի: Լեքին զղջաց, որ տրտնջացել էր: Նա զղջաց և Տիրոջից օգնություն խնդրեց: Տերն ասաց, որ Լեքին նայի Լիահոնային: Դրա վրա գրված էր մի հաղորդագրություն։ Այդ ընտանիքները սովորեցին, որ Լիահոնան աշխատում էր միայն այն ժամանակ, երբ հավատք էին գործադրում առ Տերը և հնազանդվում պատվիրաններին:

1 Նեփի 16․23–29

Նկար

Լեքիի ընտանիքը նայում է, թե ինչպես է Նեփին բերում իր որսած կենդանուն

Տերը երբեմն փոխում էր Լիահոնայի ուղերձը, որպեսզի օգնի նրանց իրենց ճամփորդության ժամանակ: Լիահոնան օգնեց Նեփիին իմանալ, թե որտեղ պետք է որս անել: Նա ուտելիք բերեց, և նրանք բոլորն ուրախացան։ Նրանք ապաշխարեցին և գոհություն հայտնեցին Տիրոջը:

1 Նեփի 16․28–32