“UJakobe noSheremi,” IziNdaba zeNcwadi kaMormoni (2023)
UJakobe noSheremi
Ubufakazi bomprofethi ngoJesu Kristu
UJakobe wayengumprofethi owabona uJesu Kristu. Wayefuna abantu ukuba bakholelwe kuJesu. UJakobe wafundisa abantu ukuba bakholelwe kuKristu. Wasebenza kanzima ukufundisa abantu ngoJesu.
2 Nefi 11:2–3; Jakobe 1:1–8, 17–19
Ngolunye usuku, indoda eyayibizwa ngoSheremi yaqala ukufundisa abantu. Kepha uSheremi wafundisa abantu ukuthi uJesu akekho. USheremi wayephiwe ekukhulumeni, futhi amaNefi amaningi awakholwa amazwi akhe. Ngenxa yakhe, abantu abaningi bayeka ukukholelwa kuJesu. USheremi wayefuna noJakobe ayeke ukukholelwa kuJesu.
USheremi wathi akekho ongaba nolwazi lokuthi kungenzakalani kusasa. Wathi lokhu kusho ukuthi akekho ongaba nolwazi lokhuthi uJesu ukhona, ngoba uJesu wayengakafiki emhlabeni. Kepha uJakobe wathi imibhalo engcwele nabaprofethi bafundisa ngoJesu. UNkulunkulu wamubonisa uJakobe ukuthi uJesu wayezofika emhlabeni.
USheremi wayengafuni ukukholwa nokho. Wayefuna uJakobe amkhombise uphawu ukuthi uJesu ukhona.
UJakobe wathi uSheremi wayazi ukuthi uJesu wayezoza futhi wayengaludingi uphawu. Kepha uJakobe wathi uNkulunkulu wayezokwenza uSheremi aquleke ukubonisa ukuthi uNkulunkulu unamandla nokuthi uJesu ukhona.
Ngesidumo, uSheremi wagula wasewela phansi. Emva kwezinsuku eziningi, wayazi ukuba wayezofa. Watshela abantu ukuba wayekhohliswe uSathane. Wathi waqambela uNkulunkulu amanga. Wayazi sonke lesikhathi ukuthi uJesu wayekhona. USheremi wafa. Abantu bafunda imibhalo engcwele futhi bakholelwa kuJesu.