UMosiya 11–17

U-Abinadi neNkosi uNowa

Umlayezo ovela kumphrofethi

INkosi uNowa ikhomba njengoba abaphristi ababili bemi ngemuva

INkosi uNowa yabusa phezu kwamaNefi ayehlala ezweni likaNefi. UNowa wenza abantu bakhe bamnike imali eningi wabe eseyisebenzisa ezenzela izinto ezinhle. Wabiza abaphristi ababeziqhenya ukuba bamsize abuse. UNowa akayigcinanga imiyalelo kaNkulunkulu. Kunalokho, wenza izinto eziningi ezimbi.

UMosiya 11:1–13

iNkosi uNowa

UNowa waholela abantu bakhe ebubini. Abazange bayilandele iNkosi.

UMosiya 11:7, 11, 14–15, 19

U-Abinadi ubheka abantu abenza izinto ezimbi

Umphrofethi kaNkulunkulu owayebizwa ngo-Abinadi wayehlala ezweni. INkosi yathumela u-Abinadi ukuthi ayotshele uNowa kanye nabantu bakhe ukuba baphenduke.

UMosiya 11:20

U-Abinadi ukhuluma nabantu

U-Abinadi watshela abantu ukuthi iNkosi yayifuna baphenduke. Uma bengaphenduki, iNkosi yayizovumela izitha ukuba zifike ezweni labo futhi zibuse phezu kwabo. Izitha zabo zaziyokwenza impilo ibe nzima kakhulu kuNowa nakubantu bakhe.

UMosiya 11:20–25

Abantu abathukuthele

Abantu babemthukuthelele u-Abinadi ngalokho ayekushilo. Babefuna ukumbulala, kodwa iNkosi yamugcina ephephile u-Abinadi futhi yamsiza abaleke.

UMosiya 11:26

INkosi uNowa ihlanganisa izandla futhi ikhuluma nabaphristi

UNowa naye wayefuna ukubulala u-Abinadi. UNowa wayengakholelwa eNkosini. Yena nabantu bakhe abazange baphenduka.

UMosiya 11:27–29

U-Abinadi uphethe amapuleti futhi ukhuluma nomndeni

Ngemva kweminyaka emibili, iNkosi yathumela u-Abinadi emuva ukuyoxwayisa abantu. U-Abinadi watshela abantu ukuthi izitha zabo zizothatha izwe ngoba babengaphendukile. Abantu bamthukuthelela u-Abinadi. Bathi akukho okubi abakwenzile futhi ngeke baphenduke. Bambopha u-Abinadi futhi bamyisa kuNowa.

UMosiya 12:1–16

U-Abinadi uguqa phansi efulathele iNkosi uNowa

UNowa kanye nabaphristi bakhe baqhamuka necebo. Abaphristi bazama ukukhohlisa u-Abinadi ngokumbuza imibuzo eminingi. Kodwa u-Abinadi wabaphendula ngesibindi. Abaphristi bamangala ngezimpendulo ezazivela ku-Abinadi. Abakwazanga ukumkhohlisa. U-Abinadi watshela abaphristi ukuthi babekhathalela kakhulu imali kunokwenza okulungile.

UMosiya 12:17–37

U-Abinadi uyasukuma futhi uyakhazimula

UNowa watshela abaphristi bakhe ukuthi babulale u-Abinadi. Kepha uNowa wabaxwayisa ukuba bangamthinti. Ubuso bakhe babukhazimula ngamandla kaNkulunkulu. U-Abinadi wathi abaphristi abazange bayifundise imithetho kaNkulunkulu. U-Abinadi wabafundisa ukuthi uJesu Kristu wayezozalwa, asifele, futhi avuswe kwabafileyo. Wathi uJesu uyobathethelela uma bephenduka.

UMosiya 13; 16:6–15

U-Abinadi ebuka iNkosi uNowa

U-Abinadi wawuqeda umlayezo iNkosi eyayimthume ukuba awunikeze. UNowa wayesathukuthele. Watshela abaphristi bakhe ukuthi bathathe u-Abinadi futhi bambulale.

UMosiya 17:1

INkosi uNowa ibheka u-Abinadi ngesikhathi u-Alima ecabanga futhu abanye abaphristi bethukuthele

Omunye umphristi, u-Alima, wamkholwa u-Abinadi. U-Alima wazama ukusindisa u-Abinadi. Kodwa manje uNowa wayesemthukuthelele no-Alima futhi wamphoqa ukuba ahambe.

UMosiya 17:2–3

U-Alima ucashela abaphristi ababi

Abaphristi atshela u-Abinadi ukuthi angaphila uma ethi lokho akufundisile kwakungelona iqiniso. Kodwa u-Abinadi wathi wayefundise iqiniso. UNowa nabaphristi bakhe baphinde bathukuthela. Babulala u-Abinadi ngomlilo. Onogada bakaNowa bazama ukubulala no-Alima naye. Kodwa u-Alima wacasha futhi wabhala phansi wonke amazwi ka-Abinadi.

UMosiya 17:3–13, 20