Elder Matthew S. Holland

Ritōl Eutiej Jiljilimjuonn̄oul an Kabun̄ in

Elder Matthew S. Holland ej jab juon ruwameijet n̄an Ritōl ro Routiej ak kweilo̧k ko reļļap.

Elōn̄ Armej ro Rekwojarjar ilo Raan ko Āliktata rejeļā kajjien āinwōt ļaddik eo nejin Jeffrey R. Holland ilo Doulul eo an Jon̄oulruo Rijilōk ro. Ro jet remaron̄ keememej e āinwōt juon eo 17 an iiō ej kōnono ilo Eprōļ 1983 kweilo̧k eo eļap mwen̄an eo an priesthood.

“Ekar juon kōjeram̧man em̧m̧an, ilo aolepān mour eo aō, n̄an alooje wāween an jinō im jema mour, ta eo rekar ajeļo̧k mour ko aer n̄ane, im ta eo kar kajjitōk ippāer n̄an kōm̧m̧ane,” Elder Holland ekar ba, eo ej lale North Carolina Raleigh Mijen.

“Mekarta, kōn men kein kar lo im ekkatak jān er, eļap ad jeļa kōn kūr in n̄an ļōmņak bwe jekkar im pojak n̄an e,” ekar kakobaba. “Jeraam̧man, jekar barāinwōt ekkatak bwe Irooj ej kile ro Ej kūr er, im kōmij bōk eļap tōmak im kaeņōm̧m̧an ilo men eo.”

Elder Holland ej keememej bwe ekōnono ilo kweilo̧k eo eļap ekar kaamijak. Kepooj juon ennaan me enaaj āliktata itok “ļain im bar ļain, naan in kain̄i im bar naan in kain̄i” (2 Nipai 28:30) ekar erom “juon kōjeram̧m̧an ealikkar em̧ōkaj n̄an jeļā bwe n̄e kwoj bōk kūr ko jān Irooj, Enaaj jipan̄ kwe im lewaj n̄an eok ļōmņak ko im en̄jake ko kōn men ko me rej aikuj kwaļoki.”

Matthew Scott Holland ekar ļotak ilo Juun 7, 1966, ilo Provo, Utah, USA, ļaddik eo nejin Jeffrey R. im Patricia Holland. Ekar m̧areik Paige Bateman ilo Māe 20, 1996, ilo St. George Utah Tampeļ. Rej jinen im jemān emān ajri ro.

Kōttōpar ko an Elder Holland ilo jeļāļo̧kijeņ ekoba 3 degree ko ilo political science—juon bachelor in arts jān Bringham Young University ilo 1991 im juon master in arts im doctor in philosophy, jim̧or jān Duke University, ilo 1997 im 2001, ilo elaajrak in.

Ilo iien eo ekar jerbal āinwōt juon rūkaki in political science ilo BYU (2001–2009), kar ņa etan āinwōt būreejtōn an Utah Valley University ilo 2009, kar jerbal m̧ae iien eo ear bōk kūr eo an āinwōt juon mijen būreejtōn.

Ekar jerbal āinwōt juon bisop, ko̧o̧njeļ eutiej, rikakpilōklōk ilo opij eo an bisop, rikapilōk an doulul eo an Likao ro ilo ward, ritōl eo an mijen ilo ward, Jabōt Jikuuļ rūkaki, im juon mijenede eo ej jerbal aolep raan ilo Scotland Edinburgh Mijen.