Elder Jeremy R. Jaggi

Ritōl Eutiej Jiljilimjuonn̄oul an Kabun̄ in

Ke Elder Jeremy R. Jaggi ekar juon jodikdik, leddik eo jatin jiljimjuon an iiō, Kristen, ekar wōr ippān juon kūj eo ekar kakkure kōmālij eo an. Taktō ro rekar ba bwe eban kar maron̄ mour.

Jeremy eo edik ekar bukwelōlō itūrin jikin kiki eo an ilo m̧weo im̧ōn baam̧le eo an ilo Salt Lake City, Utah, USA, im kar akweļap ippān Irooj n̄an jeļā etke leddik eo jatin aikuj in mej ilo an kanooj dik. Leddik eo jatin, mekarta, ekar bōk juon kōjeraam̧m̧an ko an priesthood im kar mour.

Menin ekar juon men em̧ōkaj kitien n̄an Jeremy eo me 17 an iiō n̄an “kajim̧we mour eo an ippān Anij,” tōlļo̧k e n̄an an lukkuun m̧ool ilo an riiti Bok in Mormon me ej kab kar kein kajuon. Tokālik ekar jerbal āinwōt juon mijenede eo ej jerbal aolep raan ilo Ohio Cleveland Mijen.

Jeremy ekar bar bwukelōlō im leļo̧k aolepān buruōn ilo jar iiō ko tokālik āinwōt an kōrā eo pāleen, Amy, ekar m̧ōkaj an kar kōmmour jān lukkuun raan eo me en kar kōm̧mour ie kōn ajri eo kein kajilu. “Ilo iien eo, ikar en̄jake eļap aeņōm̧m̧an—juon aeņōm̧m̧an me emaron̄ kar kōmeļeļeik wōt pein iakwe an Jemedwōj Ilan̄ ej jepooļ eō kōn okmāānān in Jetōb Kwojarjar,” ekar ba.

Aeņōm̧m̧an ekar kotak e kōn iien eo ekadu nin̄nin̄ eo ekar mour im allōn in burom̧ōj ko tokālik rekar bōk jikier kōn bar mej lo̧je an kōrā eo pāleen. “Jej aolep kajjieon̄ ilo wāween eo ad,” ekar ba, “ak jej wōt ‘watōk [kōj] rijeram̧mon’ [Jemes 1:2] bwe Rilo̧mo̧o̧r em̧ōj an letok juon iaļ n̄an ad bōk aeņōm̧m̧an im m̧ōņōņō.”

Jeremy Robert Jaggi ekar ļotak ilo Salt Lake City, Utah, USA, ilo M̧aaj 23, 1973, jān Robert Stanley Jaggi im Judy Anne Roos. Ekar m̧areik Amy Anne Steward ilo Salt Lake Tampeļ ilo Juun 12, 1995 eo. Rej jinen im jemān ļalem ajri ro.

Elder Jaggi ekar bōk juon degree in bachelor ilo science ilo behavioral science im health jān University of Utah im juon executive master of business administration degree jān Pepperdine Univeristy. Ekar tōl regional sales n̄an Alkermes im managing commercial real estate ilo HCA Investments ilo iien eo ekar bōk kūr eo an.

Elder Jaggi ekar jerbal āinwōt juon Eria Jiljilimjuonn̄oul, būreejtōn n̄an Utah Ogden Mijen, rijipan̄ n̄an rijeje eo eutiej an stake, bisop, būreejtōn an doulul eo an elder ro, rūkaki an jemenere, rikakpilōklōk ilo doulul eo an Likao ro ilo būreejtōnji an ward, rūkaki in kōppopo n̄an mijenede an stake, im ward mijen leader.