Elder William K. Jackson

Ritōl Eutiej Jiljilimjuonn̄oul an Kabun̄ in

Ālikin 23 iiō ko āinwōt juon opija in taktō in bukwin eo an ilo U.S. Foreign Service, William K. Jackson kar kajjitōk ippān n̄an kwaļo̧k 20 men ko ekar iooni ke ekar jokwe im jerbal ilo jikin ko rōttātata ilo laļ in.

Ke ekar ļōmņak kōn kajjitōk eo m̧okta jān iien kakkijeik jān jerbal eo an, ekar kile bwe “aolepān men ko 20 ilōn̄tata em̧m̧an ippa kar men ko reiookļo̧k Kabun̄ in- ak baam̧le,” ekar ba.

William King Jackson ekar ļotak ilo M̧aaj 29, 1956, ilo Washington, D.C., USA, n̄an E. William im Lois Andrey Jackson. Ekar rūttoļo̧k ilo Ojai, California, USA, bōtaab kōnke kōn jerbal in jipan̄ an ro jinen im jemān, ekar barāinwōt jikuuļ ilo Honduras, Algeria, im Afghanistan.

Ālikin an kar jerbale juon mijen ilo Bolivia La Paz Mijen, Elder Jackson ekar ioone Ann Kesler ilo jam̧ar in1977.

“Ikar iakwe ilo jinoin aō kar loe,” ekar ba. “Ikar joļo̧k aolepān jam̧ar eo kajjieon̄ rojan̄ e bwe kar n̄a eo ikkar n̄an e.”

Rekar m̧are ilo Tijem̧ba 29, 1977, ilo Los Angeles California Tampeļ. Rej jinen im jemān ralitōk ajri ro, jilu iaer kar kajiririik er—jān India, Nepal, im Cambodia.

Elder Jackson ekar jikuuļ ilo Brigham Young Univeristy, kar bōk juon degree ilo science jān University of California, Berkeley, im bōk juon taktō degree in taktōk jān University of California, San Francisco, ilo 1983.

Ālikin an kar kadedeļo̧k an jikuuļ in taktō, rekar jerbal laļ ko ilikin ium̧win 26 iiō ko. Ejjab to ekar jerbal āinwōt juon medical director an Valley Family Health Care, ilo jikin ko ilo Idaho im Oregon, USA.

Ke rekar jokwe itulikin Amedka, e im Sister Jackson rekar joļo̧k eiten aolepān iien ko aer ippān epepen eo m̧oktata in membōr ro ilo Kabun̄ in.

“Juon iaan m̧ōttan ko reļļap tata an naan in kam̧ool eo aō kōn gospel ieo ekar jān alooje ta eo gospel eo ekar kōm̧mane n̄an armej rein me kōmij iakwe er,” ekar ba. “Ej ukōt er.”

Elder Jackson ekar jerbal āinwōt juon Eria Jiljilimjuonn̄oul, būreejtōn n̄an India New Delhi Mijen, būreejtōn n̄an doulul eo an Likao ro an branch, rūkaki in institute, im rūkaki in Gospel Doctrine. Ilo iien eo kar kūri n̄an erom juon Ritōl Eutiej Jiljilimjuonn̄oul, eaar jerbal āinwōt juon bisop.